Avstraliyalıların qorxduğu yeganə heyvan-"Onlar canlı dinozavrlara bənzəyirlər"

Bölmə: Maraqlı › ,
Tarix: 20:30 28.02.2025

Avstraliyalılar möhkəm və qorxmaz olmaları ilə məşhurdurlar. Hər cür zəhərli ilan və hörümçəklərin olduğu bir ölkədə yaşamaq bir az cəsarət tələb edir.

 

Avstraliyalıların ürəyinə qorxu salan təkcə hər hansı bir quş deyil. Dəvəquşu dünyanın ən böyük quşlarından biridir. İnsan boylu, parlaq qara kürkü və deşici gözləri var, iki ayağı üstə yeriyir, hər iki ayağında xəncərə bənzər iri caynaqları var. Ornitoloqlar bu heyvanlar haqqında: "Onlarda primitiv bir şey var. Onlar canlı dinozavrlara bənzəyirlər",-deyirlər. Olduqca utancaq olduqları bilinən bu quşları təbii mühitdə, yəni tropik meşələrdə görmək demək olar ki, mümkün deyil. Ancaq qəzəbləndikləri və ya təhrik etdikləri zaman ortaya çıxan gücləri böyük fəlakətə səbəb ola bilər. Tarixdə bəzi təpəli dəvəquşu hücumlarının ölümlə nəticələndiyi məlumdur.

 

"Dünyanın ən təhlükəli quşu" kimi tanınan təpəli dəvəquşu uça bilmir və kişilərin balalarına ən çox baxdıqları nadir heyvan növlərindəndir. Təbiətdə dəvəquşu ilə qarşılaşsanız, etməli olduğunuz ilk şey əllərinizi arxanıza qoymaqdır. Dəvəquşunun diqqətini çəkməmək üçün mümkün qədər darıxdırıcı olun. Bir ağacın arxasına keçin. Sadəcə ətraf mühitə uyğunlaşın. Qışqırmayın və qollarınızı yelləməyin. 2001-ci ildə Journal of Zoology jurnalında dərc edilən bir araşdırma, iki növ arasındakı təhlükəli qarşılaşmaların 75 faizinin insanların dəvəquşulara yemək verməsi nəticəsində baş verdiyini bildirdi.

Mənbə: NTV Haber
Asiya Zeynallı