Tramp Milli Təhlükəsizlik üzrə komandası ilə görüşdə nələri müzakirə edəcək?

Bölmə: Siyasət › ,
Tarix: 21:11 03.03.2025

ABŞ Prezidenti Donald Tramp bu gün Milli Təhlükəsizlik üzrə komandası ilə görüş keçirəcək.

 Ukraynaya hərbi yardım dayandırıla bilər. 

 

Bu barədə məlumatı amerikalı məmura istinadən “The New York Times” qəzeti yayıb. 

 

Mövzu ilə bağlı siyasi şərhçi Kazım Kazımov “informator.az”a açıqlamasında bildirib ki, Qərb mətbuatında tez-tez ABŞ-nin Ukraynaya hərbi, kəşfiyyat yardımını dayandırması ilə bağlı xəbərlər yayılır:

 

“The New York Times daha çox deputatlara yaxın olan mətbuat orqanıdır. Bu baxımdan bu xəbərlərə qalmaqal yaradan başlıqlar verməyi sevir. Donald Tramp Ukrayna müharibəsinin davam etməsini istəmir. Müharibəni dayandırmaq üçün də çox çalışır. Hətta Trampa yaxın bir neçə şəxsdən də hərbi yardımın dayanması ilə bağlı bir neçə fikirlər səslənib. Lakin bu görüşün sonunda belə bir qərarın çıxacağı tam əminliklə söyləmək doğru olmaz. Müharibənim prespektivləri, Ukrayna və Rusiyanın hərbi vəziyyəti müzakirə ediləcəkdir”. 

 

Kəmalə Vəliyeva