Donald Tramp Keyt Kelloqu Ukrayna üzrə xüsusi elçi təyin edib

Bölmə: Siyasət › ,
Tarix: 23:22 03.04.2025

Amerika lideri bildirib ki, o, Ukrayna hakimiyyəti və prezident Volodimir Zelenski ilə təmaslara nəzarət edəcək: “General Kelloqun Ukraynaya xüsusi elçi təyin edildiyini elan etməkdən məmnunam. Çox hörmətli hərbi ekspert olan general Kelloq birbaşa Prezident Zelenski və Ukrayna rəhbərliyi ilə məşğul olacaq”.

 

Mövzu ilə bağlı politoloq Sultan Zahidov "informator.az"a açıqlamasında bildirib ki, Kleoq əvvəldən Rusiya və Ukrayna məslələri üzrə nümayəndəsi təyin olunub:

 

"Lakin son zamanlar biz görürdük ki, ABŞ-Rusiya danışıqlarında, ABŞ -Ukrayna danışıqlarında Keloq iştirak etmirdi. Bu da onunla əlaqədərdir ki, Kelloqun hələ tam prezident seçilmədən öncə təqdim etdiyi, Rusiya-Ukrayna sülh sazişi planı Rusiyanın istəyinə uyğun bir plan deyildi. Həmin planda açıq-aşkar Ukraynaya dəstək, Rusiyanın danışıqlar masasına gətirilməsi, Ukraynaya silahlı yardımın davam edirilməsi məsələləri yer alıb. Bu da Rusiyanın istədiyi ssenari deyildi. Məhz bu Trampı Kelloqun statusunu dəyişməsinə vadar etdi. Əvvəllər Kelloq Rusiya-Ukrayna məsələləri üzrə nümayəndəydisə, indi yalnız Ukrayna məsələləri üzrə nümayəndədir".

 

O həmçinin bildirib ki, keçmiş general Kelloq həm Vietnamda, həm də Körfəz müharibəsində böyük təcrübəyə malik olan respublikaçıdır:

 

"Kelloqun zaman-zaman Rusiyaya qarşı sərt bəyanatlarıda olub. Bütün bunlar hamsı sözsüz ki, Rusiyanın bu şəxsi qiymətləndirməsində faktır kimi çıxış edə bilər. Digər tərəfdən də Kelloqun Ukraynaya rəhbərliyi ilə olan münasibətləri onun Ukraynada daha effektiv olacağı anlamına gələ bilər. Məhz bu faktırlar Trampı vadar etdi ki, onun statusda dəyişiklik edərək, onu yalnız Ukrayna üzrə nümayəndə təyin etsin. Sözsüz ki, bu Ukrayna-ABŞ münasibətlərinin irəlləməsi baxımdan müsbət addım kimi dəyərləndirilə bilər. Amma bu Rusiya-Ukrayna sülh sazişinin irəlləməsinə elə bir ciddi faktır olmayacaqdır. Çünki Rusiyanın hazırda öz tələbləri var, öz şərtləri var və bu şərtlər yerinə yetirilmədiyi halda hansısa bir atəşkəsə razılaşmaq istəmir".

 

Ayşən Səlimova