İsrailin Suriyadakı hava hücumları haqqında nə məlumdur?

Bölmə: Siyasət › ,
Tarix: 23:42 03.04.2025

İsrail Ordusu Suriyanın Dəməşq, Həma və Homs şəhərlərində hərbi və infrastruktur obyektlərinə hava zərbələri endirib.

 

İsrail Silahlı Qüvvələrinin (IDF) Türkiyənin sosial media hesabında yer alan paylaşımda Dəməşq bölgəsindəki Hama və T4 hərbi bazalarının və "digər hərbi infrastrukturların" hədəf alındığı bildirilib.

Bəyanatda vurğulanır ki, İsrail qüvvələri “İsrail vətəndaşlarına qarşı hər hansı təhlükəni aradan qaldırmaq üçün əməliyyatlarını davam etdirəcəklər”.

 

İsrail rəsmisi “Jerusalem Post”a açıqlamasında Suriyadakı hava hücumlarının “Türkiyəyə mesaj vermək” üçün edildiyini bildirib. Rəsmi Türkiyəyə verdiyi mesajı bu ifadələrlə izah edib:
"Suriyada hərbi baza yaratmaq və İsrailin ölkə səmasında fəaliyyətinə müdaxilə etmək”.

 

Ankara ilə Dəməşq arasında Suriya ordusunun yenidən qurulması, hərbi texnika və təlimlərin verilməsi kimi məsələlər müzakirə edilir.

Türkiyənin Suriya torpaqlarında hərbi baza qurma ehtimalı da iki paytaxt arasında müzakirə olunan mövzular sırasındadır. Türkiyə ilə Suriya arasında hərbi əməkdaşlıq necə formalaşacaq?
Suriyanın rəsmi xəbər agentliyi SANA İsrail təyyarələrinin Dəməşq bölgəsində elmi tədqiqat binasını hədəf aldığını bildirib. Suriya Xarici İşlər Nazirliyi də hücumlarla bağlı yazılı açıqlama verib. Bəyanatda hücumlar pislənərək, Həma Hərbi Hava Limanının demək olar ki, tamamilə dağıdıldığı və “onlarla mülki şəxs və hərbçinin yaralandığı” bildirilib. Bəyanatda beynəlxalq ictimaiyyəti hücumları dayandırmaq üçün İsrailə təzyiq göstərməyə çağırılıb və həmçinin aşağıdakı bəyanatlara yer verilib:

 

“Suriyanın 14 illik müharibədən sonra bərpa etmək üçün mübarizə apardığı bir vaxtda təkrarlanan bu hücumlar İsrailin ölkədə zorakılığı normallaşdırmaq, bərpa səylərini sarsıtmaq və cəzasızlıq mədəniyyətini aşılamaq üçün açıq strategiyasının bir hissəsidir”.

 

BBC NEWS
Səftərova Səmayə