Ağ evdəki gərgin görüş-ŞƏRH

Bölmə: Siyasət › ,
Tarix: 21:30 04.03.2025

“Bu gün Ağ Evdə çox mənalı görüş keçirdik. Çox şey öyrənildi ki, bu cür atəş və təzyiq söhbət olmadan heç vaxt başa düşülə bilməz. Emosiyalar vasitəsilə ortaya çıxanlar heyrətamizdir və mən müəyyən etdim ki, prezident Zelenski Amerikanın işinə qarışsa, sülhə hazır deyil, çünki o hiss edir ki, bizim iştirakımız danışıqlarda ona böyük üstünlük verir. Mən üstünlük istəmirəm. Sülh üçün hazır olanda geri qayıda bilər”.

 

Bu barədə politoloq Tural İsmayılov “İnformator.az”a açıqlamasında bildirib ki, hazırda Ukrayna mövzusu üzərindən ABŞ və Avropa İttifaqı arasında çox kəskin mövqe davam edir:

 

“Donald Trampın hələ hakimiyyətə gəlmədən əvvəl dünya miqyasına mesajı bundan ibarət idi ki, ABŞ vətəndaşları hesabına toplanan dövlət büdcəsindən Ukraynaya ayrılan milyardlarla dolları sorğulayacaq. Zelenskinin Vaşinqtonda görüşündən sonra da, açıq - aydın görürük ki, ABŞ Bayden hakimiyyəti dövründə Ukraynaya verilən, milyardlarla dolları Zelenskidən geri almaq istəyir. ABŞ həm keçmiş sərmayyəsini geri qaytarmaq, həm də bundan sonra Ukraynada öz mövcudluğunu gücləndirmək üçün Ukraynanın faydalı qaz yataqlarını ABŞ investisiyalarına daxil olmasına çalışır. Bununlada ABŞ sabit və müharibəsiz bir Ukraynada öz investisiyalarını yatırmaq və təbii sərvətlərindən istifadə etmək hüququna nail olmaq istəyir”.

 

Son olaraq ekspert bildirib, digər bir məqam ondan ibarətdir ki ,Avropa İttifaqına daxil olan ölkələr hər bir halda vəziyyətin daha da, gərginləşməyinə çalışırlar:

 

“Bu ölkələrin əsas məqsədi ondan ibarətdir ki, Rusiya - Ukrayna müharibəsi davam etsin. Hazırda Avropa İttifaqının Rusiya - Ukrayna müharibəsini ABŞ qədər düşündüyünə inanmıram. Avropa İttifaqının əsas mövqeyi daha çox dağıdıcılığa və dövlətlərarası münasibətlərin Rusiya və Ukraynayla gərgin qalmağına xidmət edir. Rusiya - Ukrayna müharibəsi nə qədər çox davam etsə, Rusiyanın zəifləməsinə və Avropa İttifaqının Rusiyaya təsirlərinə daha çox şərait yaranacaq”.

 

Asiman Vəliyeva