Fransa və Əlcazahir arasında gərginlik davam edir

Bölmə: Siyasət › ,
Tarix: 12:50 05.03.2025

Fransanın Daxili işlər nazirliyinin Əlcəzahirə təzyiq və təsir göstərmək üçün hazırladığı strategiyaları əks etdirən gizli sənəd mediaya sızdırılıb. Daxili İşlər Nazirliyi Əlcəzairin siyasi, iqtisadi və hərbi elitası üçün kütləvi viza məhdudiyyətləri tətbiq etməyi, dəniz nəqliyyatına nəzarəti gücləndirməyi təklif edir. Nazirliyin daxili notasında iki ölkə arasında diplomatik, təhlükəsizlik və miqrasiya baxımından münasibətlərin pisləşməsi ilə əlaqədar tədbirlərin zəruri olduğu bildirilib.

 

Mövzu ilə bağlı “informator.az”a açıqlamasında politoloq İlyas bəy bildirib ki, Fransa uzun illər ələ keçirdiyi ölkələrdə müstəmləkə siyasətini həyata keçirən bir dövlətdir:

 

“Ələ keçirdiyi dövlətlərin daxili işlərinə qarışıb, mineral resuslarını istismar edib. Hazırda da bu idarəçilik metodlarını tətbiq etməkdədir. Buna ilk olaraq Afrika və dənizaşırı ərazilərdə şahidi ola bilərik. Lakin müasir dövrdə Fransanın Əlcazahirə qarşı strategiyalarının hazırlanması kifayət qədər maraqlı bir mənzərəni formalaşdırır. Bu Fransa və Əlcazahirin arasındakı diplomatik münasibətlərin kəsilməsinə gətirib çıxara bilər. Münasibətlərin belə gərgin olması siyası böhrana qədər gətirib çıxardır. Baxmayaraq ki, Əlcazahirə qarşı Fransanın kəskin və qəti siyasi uzun illərdir davam edir və bu çox böyük qətliamlarla müşahidə olunub. Hazırda da yeni dövr olmasına baxmayaraq bu siyasət davam edir. Və bu siyasəti şübhəsiz ki, Əlcazahir sərt qarşılayacaq. Bu bir daha Fransanın daxili və xarici siyasətdə uğursuzluqlarını üzə çıxarır. Günümüzdə də Fransa beynəlxalq münasibətlər sistemində nüfuzi ləkələnmiş, imici zədələnmiş geosiyasi faktdır kimi özünü göstərməkdədir”.

Aysel Mirzəyeva