Ermənistanın atəşkəsi pozması və regionda gərginliklər

Bölmə: Siyasət › ,
Tarix: 19:39 06.03.2025

Aİ missiyasının sərhəddə aktivliyi müşahidə olunur. Onların sərhəddə aktiv olmasına baxmayaraq Ermənistan silahlı qüvvələri Gorus istiqamətində atəşkəsi pozub. Missiyanın sərhəddə fəaliyyəti atəşkəsə nəzarət olmasına baxmayaraq Ermənistan özü buna əməl etmir. Bu gün isə Sədərək istiqamətində Ermənistan Ordusu yanğın hadisəsi törədib. Yanğını söndürmək məqsədi ilə Azərbaycan Respublikasının Fövqəladə Hallar Nazirliyi zəruri tədbirlər həyata keçirib. 

 

 

Mövzu ilə bağlı ‘’informator.az’’a açıqlamasında politoloq Natiq Miri bildirib ki, bunun elə bir ciddi təhlükə yaradacağını düşünmürəm:

 

“Çünki Azərbaycan tərəfi hər bir halda bu məsələyə etiqadlı yanaşır. O vaxta qədər ki, Azərbaycan əsgəri, əraziləri, mülki şəxsləri üçün real təhlükə yaranmasın. Düşünürəm ki, Sədərək istiqamətində ərazinin yandırılması həmin əraziləri daha rahat görmək üçündür. Yəni, hərbi nöqteyi-nəzərdən quru otların yandırılması ilə ərazi daha rahat müşahidə edilir. Bunun regionda hərbi vəziyyətə ciddi bir təsirinin olacağını düşünmürəm. Amma hər bir halda bu Azərbaycan üçün arzuolunan deyil. Atəşkəsin pozulması sərhəd ərazilərində zaman-zaman müşahidə olunur. Çox maraqlıdır ki, atəşkəsi həmişə Ermənistan tərəfi pozur. Bu da o deməkdir ki, Ermənistan ordusunda nizam-intizam səviyyəsi ən yüksək səviyyədəd deyil. Bəzən əsgərlər, hərbiçilər arasında sərxoş olanlar olur ki, onlar sərxoş olub, Azərbaycan ərazisinə atəş aça bilirlər. Bu da nizam-intizamın aşağı səviyyədə olduğunun göstəricisidir. Hərbidə tabeçilik olmalıdır. Ermənistan Ordusu bunu yerinə yetirmirsə, ciddi problemlərin olduğu ortaya çıxır. Ona görə də bunun elə bir ciddi təhlükə yaradacağını düşünmürəm. Çünki Azərbaycan tərəfi hər bir halda bu məsələyə etiqadlı yanaşır. O vaxta qədər ki, Azərbaycan əsgəri, əraziləri, mülki şəxsləri üçün real təhlükə yaranmasın. Əks halda, hər zaman olduğu kimi əlbəttə ki, Azərbaycan adekvat cavab verəcək. Görünür, bu hadisə o qədərdə təhlükəli olmadığı üçün Azərbaycan cavab vermək istəməyib. Ermənistan Ordusunda normal nizam-intizamın olması mümkün deyil”.

 

Politoloq onu da qeyd edib ki, Azərbaycan öz mövqelərinin təhlükəsizliyi üçün bütün tədbirləri görür:

 

“Əgər müqayisə etsək, görünər ki, Azərbaycanın təhlükəsizlik tədbirləri və müdafiə mövqeləri ilə Ermənistanın mövqeləri eyni səviyyədə deyil. Azərbaycan ən müasir səviyyədə müdafiə mövqeləri yaradıb və bütün ərazi çox rahatlıqla müşahidə edilir, bütün hərəkətlər dərhal qeydə alınır. Bu baxımdan, düşünürəm ki, təhlükəsizlik məsələləri üzrə Azərbaycan Ordusunda boşluq yoxdur və bunu Ermənistanda da bilirlər. Ona görə də Azərbaycan hər hansı ciddi hərbi təxribat olmadan, cavab hərəkəti etməyəcək. Amma təxribat olduğu və Azərbaycan əsgərinə təhlükə törədildiyi təqdirdə, lokal əməliyyatların keçirilməsi mümkündür”.

 

 

Günel Verdiyeva