Amerikalıların 60%-i Trampın ticarət siyasətini dəstəkləmir-Sorğu

Bölmə: Dünya › ,
Tarix: 21:52 31.03.2025

ABŞ-də aparılan sorğuya görə, iştirakçıların 60 %-i prezident Donald Trampın xarici ölkələrlə ticarət danışıqlarındakı mövqeyini bəyənmədiyini bildirib.

 

Associated Press (AP)-NORC İctimai Əlaqələr Araşdırma Mərkəzinin 20-24 mart tarixlərində keçirdiyi sorğuya 1229 amerikalı daxil olub.

 

İştirakçılar Trampın prezidentlik dövründəki davranışını, eləcə də qeyri-qanuni immiqrasiya, iqtisadiyyat, ticarət, Rusiya-Ukrayna müharibəsi və İsrail-Fələstin məsələsi kimi müxtəlif siyasətlərə münasibətini qiymətləndiriblər.

 

Müvafiq olaraq, iştirakçıların 49 %-i Trampın qeyri-qanuni immiqrasiya siyasətini dəstəklədiyini, 50 %-i isə dəstəkləmədiyini bildirib.

 

İştirakçıların 54 %-i Trampın İsrail-Fələstin məsələsində mövqeyini bəyənmədiyini, 44 %-i isə bəyəndiyini bildirib.

 

Digər tərəfdən, müxtəlif ölkələr Trampın tarif qərarlarına reaksiya verərkən, iştirakçıların 60 %-i ABŞ prezidentinin digər ölkələrlə ticarət danışıqlarındakı mövqeyini bəyənmədiklərini, 38 %-i isə bəyəndiklərini ifadə edib.

 

Bundan əlavə, iştirakçıların 56 %-i  Trampın Rusiya-Ukrayna müharibəsi ilə bağlı mövqeyini dəstəkləmədiyini, 41 %-i isə dəstəklədiyini bildirib.

 

Sorğunun nəticələri göstərib ki, respondentlərin 56 %-i ümumiyyətlə Trampın prezident administrasiyasını bəyənmir, 42 %-i isə bəyənir.

 

Mənbə: TRT Haber

Məhərrəmli Xədicə