İsrail parlamentində yerlər uğrunda mübarizə

Bölmə: Dünya › ,
Tarix: 22:42 01.04.2025

Qəzzada törətdiyi qırğınlarla yanaşı, soyqırım törədən İsrail hökuməti də daxili qarşıdurmalara səhnədir. İsrailin Maliyyə naziri Bezalel Smotriç koalisiya tərəfdaşı ilə yaranan böhrana görə vəzifəsindən istefa verib. Lakin istefa verdikdən dərhal sonra kabinetə qayıtmaq üçün ərizə verib.

 

İsrailin Maliyyə naziri Bezalel Smotriç Yəhudi Güc Partiyasından Yitzhak Kroizer-i İsrail parlamentindən (Knesset) sıxışdırmaq üçün kabinet vəzifəsindən qısa müddətə istefa verib.

 

Müraciətində Smotriç Knesset üzvlüyünə qayıtmaq və xidmət etmək üçün hökumətdəki vəzifəsindən istefa verdiyini və Knessetə qayıtdıqdan sonra hökumət vəzifələrini geri tələb edəcəyini bildirdi.

 

İsrailin “Kan” dövlət televiziya kanalı ifrat sağçı Dini Sionizm Partiyasının lideri Smotriçin istefasının digər ifrat sağçı koalisiya tərəfdaşı “Yəhudi Gücü”nün lideri İtamar Ben-Qvirlə fikir ayrılığı ilə bağlı olduğunu bildirib.

 

Dini Sionizm Partiyasından verilən açıqlamada, Ben-Qvirin 2022-ci il seçkilərinə girdiyi və sonradan ayrıldığı Smotriç və baş nazir Benyamin Netanyahu ilə bağladığı razılaşmaları pozduğu bildirilib.

 

İki ifrat sağçı koalisiya partnyoru arasında böhran yaranıb

 

İsraildə qüvvədə olan “Norveç qanunu”na əsasən, nazir kürsüsünə malik olan parlament üzvü parlamentdən istefa verə və parlamentdəki yerini seçkilərdə qalib gəlməyən partiyasından növbədə olan birinci şəxsə verə bilər.

 

Razılaşmaya görə, yanvarın 19-da Qəzzada atəşkəs və məhbus mübadiləsi razılaşmasının qüvvəyə minməsindən sonra istefa verən və İsrailin Qəzzaya hücumlarını bərpa etdikdən sonra kabinet vəzifəsinə qayıdan Ben-Qvir Knessetdən istefa verəcək. Bu, əvvəllər deputat mandatı itirilən Dini Sionizm Partiyasından Zvi Sukkotun Knessetə qayıtmasına yol açacaq.

 

Buna baxmayaraq, Ben-Qvir sövdələşmə şərti kimi partiyasının Zvika Fogelin kəşfiyyat naziri təyin edilməsini irəli sürərkən, siyasi gücünü itirməmək üçün Knessetdən istefa verməkdən imtina etdi. Buna cavab olaraq, parlament üzvü olmayan maliyyə naziri Smotriç Knessetə qayıtmaq və başqa bir Yəhudi Gücü deputatı Kroizer-i vəzifəsindən kənarlaşdırmaq üçün istefa verdi.

 

Sukkot X hesabından bir yazıda parlamentə qayıtması müqabilində yeni nazirlik tələb etməyin yanlış olduğuna diqqət çəkdi və Yəhudi Güc Partiyasını üzərinə götürdüyü öhdəliklərə əməl etməyə çağırdı.

 

Yəhudi Güc Partiyasının bəyanatında deyilir: “Biz koalisiya daxilində lazımsız müzakirələrə girməyəcəyik”.

 

Mənbə: TRT Haber

Məhərrəmli Xədicə