Dərman qiymətlərində yeni dəyişikliklər

Bölmə: İqtisadiyyat › ,
Tarix: 21:55 03.04.2025

Dərman vasitələrinin aptek təşkilatlarına topdan satış və aptek təşkilatları üçün pərakəndə satış qiymətlərinin yuxarı həddi və onların qüvvəyə minmə tarixləri təsdiqlənib.

 

Tarif Şurasında keçirilən iclasda yeni dövlət qeydiyyatına alınan 187 dərman vasitəsinin qiymətinin yuxarı həddi təsdiq edilib. 8 dərman vasitəsinin qiymətinin yuxarı həddi aşağı salınıb.

 

Mövzu ilə bağlı iqtisadçı Ruslan Atakişiyev “İnformator.az”a açıqlamasında bildirib ki, yüksək qiymətlərin olması bəzi hallarda müsbət, bəzi hallarda isə mənfi nəticələrə gətirib çıxarır:

 

“Yüksək qiymətlər bəzi hallarda aşağı qiymətə başa gələn dərmanların həddindən artıq yüksək qiymətə satılmasının qarşısını alır.

Mənfi tərəfi isə odur ki, şirkətlər dərmanların yüksək qiyməti müəyyənləşdikdə mövcud məhsulların başqa ölkələrdən idxal yolu ilə əvəzedicilərini gətirirlər. Bəzi hallarda isə şirkətlər yüksək qiymətli dərmanlardan imtina edib, rəsmi yox, qeyri-qanuni yolla satmağa meyillənirlər".

 

Çimnaz Telmanqızı