Qəzza hökuməti: İsrail ərazimizin 77 %-nə nəzarəti ələ keçirib

Bölmə: Dünya › ,
Tarix: 00:06 26.05.2025

İsrail ordusu Fələstinin Qəzza zolağının ərazisinin 77 %-nə nəzarəti ələ keçirib.

 

"İnformator.az" xəbər verir ki, bu barədə anklav hökumətinin mətbuat xidməti öz teleqram kanalında məlumat verib.

 

"İsrailin işğalçı ordusu faktiki olaraq Qəzza zolağının ümumi sahəsinin 77 %-nə ya birbaşa quru müdaxilələri və yaşayış və mülki ərazilərdə işğalçı qüvvələrin yerləşdirilməsi vasitəsilə, ya fələstinlilərin öz evlərinə, torpaqlarına və əmlaklarına çatmasına imkan verməyən intensiv atəş nəzarəti vasitəsilə, ya da on minlərlə mülki şəxsi atəş, qətl və məhv edilmə təhdidi altında dəfələrlə qaçmağa məcbur edən ədalətsiz məcburi köçürmə siyasəti vasitəsilə nəzarəti ələ keçirib", – mətbuat xidməti bildirib.

Xidmət vurğulayır ki, "güc tətbiqinə əsaslanan məcburi nəzarətin bu forması beynəlxalq humanitar hüququn kobud pozulmasıdır". Qəzza zolağının hakimiyyəti anklavdakı "cinayətlərə görə tam hüquqi məsuliyyəti" İsrail, eləcə də ABŞ, Böyük Britaniya, Almaniya və Fransanın üzərinə qoyub.