Dünyanın ikinci ən böyük almazı tapıldı: Dəyəri 1 milyard lirədir

Bölmə: Maraqlı › ,
Tarix: 22:13 23.08.2024

Dünyanın ikinci ən böyük alması Botsvanada tapılıb. 2492 karatlıq nəhəng almaz, Karowe Almaz Mədənində rentgen aşkarlama texnologiyasından istifadə edilərək aşkar edilib.

Karat baxımından daş 1905-ci ildə Cənubi Afrikada kəşf edilmiş 3016 karatlıq Cullinan almazından sonra ikinci yerdədir. Britaniyanın “Financial Times” qəzeti ekspertlərə əsaslanaraq daşın qiymətini 40 milyon dollar (təxminən 1 milyard 36 milyon TL,68 milyon manat ) olaraq qiymətləndirib.

Kanadanın mədən şirkəti Lucara Diamond, Botsvanada dünyanın ikinci ən böyük almazı olan 2492 karatlıq nəhəng almazın kəşf edildiyini açıqladı.
Britaniyanın “Financial Times” qəzeti ekspertlərə əsaslanaraq daşın qiymətini 40 milyon dollar (təxminən 1 milyard 36 milyon TL) olaraq qiymətləndirib.

Şirkətdən verilən açıqlamada, almazın Botsvananın şimal-şərqindəki Karowe Almaz Mədənində rentgen şüaları ilə aşkarlama texnologiyasından istifadə edilərək kəşf edildiyi bildirilib.
ƏN BÖYÜK ALMAZ 3 MİN KARAT

Lucara tapıntıya qiymət vermədi və ya keyfiyyətini qeyd etmədi. Bununla belə, karat baxımından daş 1905-ci ildə Cənubi Afrikada kəşf edilmiş 3016 karatlıq Cullinan almazından sonra ikinci yerdədir.

Lucara prezidenti Uilyam Lamb verdiyi açıqlamada "2492 karatlıq bu qeyri-adi almazı tapdığımız üçün çox xoşbəxtik" dedi.

Şirkətin yaydığı şəkillər almazın təxminən xurma ölçüsündə olduğunu göstərir.
Açıqlamada bu tapıntının "indiyə qədər aşkar edilmiş ən böyük kobud almazlardan biri olduğu" ifadə edildi.

Tapıntı cümə axşamı elan edilməzdən əvvəl, Botsvanada aşkar edilən ən böyük almaz 2019-cu ildə Karowe mədənində Lukara tərəfindən çıxarılan 1758 karatlıq Sewelo adlı daş idi.

2021-ci ildə Lucara eyni rentgen texnologiyasından istifadə edərək Botsvanada 1174 karatlıq almaz daşı tapdı.

Mənbə: NTV Haber
Zeynəb Mustafazadə