Montelladan hücumçu qərarı! Kerem Aktürkoğlu təfərrüatı..
Bölmə: İdman ›
,
Tarix: 18:53 15.11.2024
Millətlər Liqasında Uelslə qarşılaşacaq Milli Komandanın Montellanın oyun heyəti üçün planı açıqlanıb.
Millətlər Liqasında son 3 matçda qalib gələrək, xallarını cəmi 10-a çatdıran və zirvədə qərarlaşan Aypara-Ulduzlar sabah Kayseridə Ueli qəbul edəcək. Rəqibin 8 xalı var. Səfərdə oynanılan ilk oyunda 0:0 hesablı heç-heçə edilib. Montella və tələbələri evdə qələbə qazanmaq və liderliyi təmin etmək istəyirlər. Buna nail olsalar, A Liqasına yüksələcəklər. Son matçda noyabrın 19-da Monteneqro ilə prestij mübarizəsi aparılacaq.
Montella Uels matçına hansı 11-likdə başlayacağına hələ qərar verməyib. Bəzi adlar aydın olsa da, sol müdafiə və hücum xəttində qeyri-müəyyənlik var. Qolda Mert Günok Uğurcandan bir addım öndədir. Mərkəz müdafiəçisi ikilisi Əbdülkerim Bardakçı-Merih olacaq. Sağ cinah müdafiəçisi Zeki formaya yaxındır. Sol cinahda Mert Müldür, Eren Elmalı və ya Yasin Özcana üstünlük veriləcək.
Orkun və Hakan Çalhanoğlunun yarımmüdafiənin mərkəzində başlama ehtimalı var. Onların qarşısında Arda Gülər gözlənilir. Kerem Aktürkoğlunun hücum xəttindəki yeri təmin olunub. Yunus Akgün digər cinahda, Kənan Yıldız isə forvardda ola bilər. Bununla belə, Barış Alper Yılmaz və Əhməd Kutucu da formaya güclü namizədlərdir. Montella bugünkü taktiki məşqdə son qərarını verəcək.
Ardıcıl son 3 matçda Kerem Aktürkoğlunun təsirli çıxışı gündəmə gəlib. İslandiya ilə 4-2 matçında Kerem 1 qol və 1 məhsuldar ötürmə ilə çıxış edərkən, Çernoqoriya ilə 1-0 matçında İrfan Can Kahveci qalibiyyət qoluna imza atıb. Kərəm bundan əvvəlki İslandiya ilə qarşılaşmada 3:1 hesabı ilə qalib gələrək het-trik edib. "Qalatasaray"dan transfer olunduğu "Benfika"da möhtəşəm mövsüm keçirən 26 yaşlı ulduz Portuqaliya yığmasında 11 matçda 8 qol vurub, 3 məhsuldar ötürmə edib. Kerem Uels matçında Montellanın 1 nömrəli hücum silahı olacaq.
Kayseri şəhəri 11 ildən sonra Milli Komandanı qəbul edəcək. “Aypara ulduzları” 2009-cu ildə Azərbaycan və Estoniya, 2013-cü ildə isə Andorra ilə Kayseridə oyunlarını keçirib.
Mənbə: Milliyət
Fatimə Abdulrəhimli
