Arda Gülerin qərarı açıqlandı!

Bölmə: İdman › ,
Tarix: 22:14 16.11.2024

Arda Gülerdən qərar: Real Madrid-dən ayrılır?

Real Madrid-də karyerasını davam etdirən Arda Güler, bu mövsüm əsasən ehtiyat oyunçular skamyasında qalıb. Baş məşqçi Carlo Ancelottinin seçimləri İspaniyada da tənqid olunur.

 

Ötən mövsüm xüsusilə son hissədə yaxşı performans göstərərək qolları ilə diqqət çəkən Arda, bu mövsüm hələ də skor töhfəsi verə bilməyib.

 

Forma şansı tapa bilməməsi səbəbindən məyus olduğu bildirilən Arda üçün İspaniyadan yeni xəbərlər yayılıb.

 

Diario AS-ın xəbərinə görə, Arda Güler qış transfer dönəmində gələcək təklifləri dəyərləndirərək Real Madriddən icarəyə ayrılmaq istəyir. Bu qərarını artıq yaxın çevrəsinə də bildirib.

Bundan əvvəl Real Madrid rəhbərliyinin Arda Gülerə güvəndiyi və Ancelottiyə onu daha çox oynatması üçün təzyiq göstərdiyi iddia edilmişdi.

 

Lakin Arda Güler, mövsümün qalan hissəsində də forma şansı əldə edə bilməyəcəyinə inanır və qış transfer dönəmində yeni bir səhifə açmağı planlaşdırır.

 

Bu mövsüm Real Madrid forması ilə 12 rəsmi matçda meydana çıxan Arda, cəmi 307 dəqiqə oynamaq imkanı qazanıb.

 

Mənbə: beinsports 

Aytac Mustafayeva