Fənərbaxçanın favoritlərindən Anderson Talisca matç heyətində yer almayıb!

Bölmə: İdman › ,
Tarix: 21:53 25.11.2024

 

Uzun müddətdir "Fənərbaxça"nın gündəmində olan Anderson Taliska ilə bağlı yeni və isti hadisələr baş verməyə davam edir. Ulduz futbolçu son matçda heyətə daxil edilməyib.

 

Fənərbaxça qış transfer dövründə heyətini gücləndirmək üçün hərəkətə keçib. Klub rəhbərliyi 10 nömrə mövqeyi üçün Anderson Taliskanın transferində əhəmiyyətli irəliləyiş əldə edib. Braziliyalı ulduz ilə bütün şərtlərdə razılıq əldə olunsa da, Səudiyyə Ərəbistanı təmsilçisi Əl-Nəsr klubunu razı salmaq üçün cəhdlər davam edir.

 

Anderson Taliska, Əl-Nəsrin Əl-Qarafa ilə keçirəcəyi oyunun heyətinə daxil edilməyib. Taliskanın tam sağalmadığı üçün Əl-Qarafa matçında iştirak etmədiyi iddia olunur.

 

Fənərbaxça azarkeşləri transferin rəsmi olaraq təsdiqlənməsini səbirsizliklə gözləyərkən, 30 yaşlı futbolçudan gözlənilməz addım gəldi. Taliska sosial media hesabından sarı-lacivərtli klubun Braziliyalı ulduzları Fred və Rodriqo Bekaonu izləməyə başladı. Taliskanın bu hərəkəti sosial mediada Fənərbaxça azarkeşləri arasında böyük həyəcan yaratdı.

 

Ulduz futbolçu bu mövsüm Əl-Nəsr forması ilə çıxdığı 17 matçda 8 qol vurub.

 

Mənbə: Milliyət

Fatimə Abdulrəhimli