Qalatasaraydan yerli yarımmüdafiəçi transferi! Okan Buruk razılıq verdi..

Bölmə: İdman › ,
Tarix: 20:41 29.11.2024

Qalatasaray rəhbərliyi qış transfer dönəmi üçün işlərini sürətləndirib. Sarı-qırmızılıların yarımmüdafiə xəttinə təcrübəli bir futbolçunu daxil etmək istədiyi məlum olub.

 

Okan Burukun rəhbərlik etdiyi Qalatasarayda rəhbərlik transfer işlərinə sürət verib. Sarı-qırmızılıların İstanbul klubunda forma geyinən təcrübəli futbolçunu öz sıralarına qatmaq istədikləri bildirilib.

 

Qalatasarayda bu transfere Okan Burukun razılıq verdiyi qeyd olunub. Sarı-qırmızılıların yerli heyəti gücləndirmək məqsədilə 26 yaşlı yarımmüdafiəçi üçün hərəkətə keçdiyi vurğulanıb. Qalatasarayın baş məşqçisi Okan Burukun Başakşəhərdə birgə çalışdığı keçmiş oyunçusu Berkay Özcanın transferinə razılıq verdiyi qeyd edilib.

 

Süper Liqa nəhənginin Berkay Özcanın transferini münasib bir transfer məbləği qarşılığında yekunlaşdırmaq istədiyi bildirilib.

 

Berkay Özcan bu mövsüm Başakşəhər heyətində 20 qarşılaşmada iştirak edib. 26 yaşlı yarımmüdafiəçi bu oyunlarda 1 qol vurub və 1 məhsuldar ötürmə edib. Berkay Özcanın Başakşəhərlə müqaviləsi 30 iyun 2027-ci ildə başa çatacaq. 26 yaşlı futbolçunun cari bazar dəyəri isə 4 milyon avrodur.

 

Karlsrue futbol akademiyasında yetişən Berkay Özcan daha sonra Ştutqart, Hamburq və Başakşəhər klublarında çıxış edib. Berkay Özcan, Türkiyə milli futbol komandasında 7 oyunda forma geyinib.

 

Mənbə:Milliyət

Fatimə Abdulrəhimli