"Bakı-Sumqayıt arasında yeni ekspres avtobus Xətti istifadəyə verildi"

Bölmə: Sosial › ,
Tarix: 10:00 09.12.2024

2024-cü il dekabrın 9-da Bakı ilə Sumqayıt arasında sərnişin daşımalarını asanlaşdırmaq məqsədilə 594 nömrəli ekspres avtobus marşrutu istifadəyə verilib.

 

“İnformator.az” xəbər verir ki, marşrut “20 Yanvar” metrostansiyası ilə Sumqayıt Avtovağzalı arasında fəaliyyət göstərir və sərnişinlərə rahat, sürətli nəqliyyat xidməti təklif edir.

 

Avtobuslar “20 Yanvar” stansiyasının Sumqayıt istiqamətindəki xüsusi dayanacağından hərəkət edir və 8 dəqiqəlik intervalla, saat 06:00-dan 23:00-a qədər fəaliyyət göstərir. Sərnişinlərin rahatlığı üçün ödəniş nağdsız, kart vasitəsilə qəbul edilir və qiymət 80 qəpik təşkil edir.

 

Eyni zamanda, Bakı Beynəlxalq Avtovağzal Kompleksindən Sumqayıta 595 nömrəli ekspres marşrut da sərnişinlərin xidmətindədir. Bu tədbirlər sərnişinlərin təhlükəsiz və sürətli daşınmasını daha da yaxşılaşdırmaq məqsədini daşıyır.

 

Xanım Ağamalıyeva