FIFA Səudiyyə Ərəbistanını 2034 Dünya Kubokuna ev sahibi kimi təsdiqlədi

Bölmə: Dünya › ,
Tarix: 23:25 11.12.2024

2034-cü il kişilər arasında futbol üzrə Dünya Çempionatı Səudiyyə Ərəbistanında keçiriləcək, 2030-cu il turnirinə isə İspaniya, Portuqaliya və Mərakeş birgə ev sahibliyi edəcək. Bu barədə dünya futboluna rəhbərlik edən FIFA təsdiq edib.

 

2030-cu il turnirində üç oyun həmçinin Argentina, Paraqvay və Uruqvayda keçiriləcək və bununla yarışmanın 100 illiyi qeyd olunacaq.

 

Hər iki Dünya Çempionatının ev sahibləri Çərşənbə günü keçirilən FIFA-nın fövqəladə konqres iclasında səsvermə yolu ilə təsdiqlənib. İclasda FIFA-nın bütün 211 üzv ölkəsi videobağlantı vasitəsilə təmsil olunub.

 

Həm turnirlərin ev sahibləri, həm də 2030-cu ilin yubiley tədbirləri iki ayrı səsvermə yolu ilə təsdiqlənib. İlk səsvermə ilə Uruqvay, Paraqvay və Argentina yubiley ev sahibləri seçilib.

 

İkinci səsvermədə isə 2030-cu ilin üç ev sahibi və 2034-cü il turnirinin Səudiyyə Ərəbistanına verilməsi təsdiqlənib. Ölkələr öz səslərini “alqışla” – kameraları qarşısında əl çalmaqla ifadə ediblər.

 

Mənbə: BBC Sport

Aytac Mustafayeva