Sərvəti 400 milyard dolları aşan Elon Musk tarixə düşdü

Bölmə: Dünya › ,
Tarix: 12:40 12.12.2024

ABŞ-da yenidən prezident seçilən Donald Trampın qələbəsindən sonra sərvəti artan Elon Musk, dünyanın ən varlı şəxsi üçün son mərhələ olan 400 milyard dollarlıq xalis sərvətə çatan ilk şəxs kimi tarixə düşüb. Bloomberg Milyarderlər İndeksinə görə, Musk-ın sərvətini təxminən 50 milyard dollar artıran onun şəxsi mülkiyyətindəki SpaceX-in daxili səhmlərinin satışı olub.

 

Tesla Inc. şirkətinin səhmləri çərşənbə günü tarixdə ən yüksək səviyyəyə qalxaraq Musk-ın sərvətini 447 milyard dollara çatdırıb. Musk-ın bir gün ərzində sərvətinin 62,8 milyard dollar artması rekord göstəricidir və bu, indekssə əsasən dünyanın ən varlı 500 şəxsin toplam sərvətinin ilk dəfə olaraq 10 trilyon dolları aşmasına səbəb olub. Dünya Bankının topladığı məlumatlara görə, bu qrupun xalis sərvəti ötən il Almaniya, Yaponiya və Avstraliyanın ümumi daxili məhsulu ilə bənzər həcmdə olub.

Mənbə: Haberler
Ləman Ağayeva