Rusiyanın Kimyəvi Qoşunlar Komandanı Moskvada öldürülüb

Bölmə: Dünya › ,
Tarix: 18:26 17.12.2024

Rusiya Ordusunun Nüvə, Bioloji və Kimyəvi Müdafiə Qüvvələrinin (NBC) Komandanı general-polkovnik İqor Kirillov Moskvadakı partlayış nəticəsində həlak olub.

 

Rusiya İstintaq Komitəsi Kirillovun səhər saatlarında bir binadan çıxarkən elektrik skuteri üzərinə yerləşdirilmiş partlayıcının işə düşməsi nəticəsində öldüyünü açıqlayıb. Partlayışda Kirillovun köməkçisinin də həlak olduğu bildirilib. Reuters və AFP xəbər agentlikləri Ukraynalı təhlükəsizlik mənbəsinə istinadən Kirillovun qətlinin arxasında Ukraynanın olduğunu bildiriblər. Ukrayna mediası da oxşar xəbərlər yayıb. BBC-nin Ukrayna təhlükəsizlik qüvvələrindən olan mənbəsi də İqor Kirillovun Moskvada öldürülməsinə görə məsuliyyəti öz üzərlərinə götürdüklərini təsdiqləyib.

 

Mənbə: BBC
Ləman Ağayeva