Facebook-un Fələstin ərazilərində xəbərləri məhdudlaşdırması

Bölmə: Dünya › ,
Tarix: 21:47 19.12.2024

Facebook İsrail-Qəzza müharibəsi zamanı Fələstin xəbər agentliklərinin auditoriyaya çatmaq imkanlarını ciddi şəkildə məhdudlaşdırıb.

 

Facebook məlumatlarının ətraflı təhlili göstərib ki, 2023-cü ilin oktyabrından etibarən Qəzza və İordan çayının qərb sahilindəki xəbər agentliklərinin auditoriya ilə əlaqəsi kəskin şəkildə azalıb.

 

İsrail-Qəzza müharibəsinin başlanğıcından bəri, xarici jurnalistlərdən yalnız bir neçəsinə Fələstinin Qəzza sahil ərazisinə daxil olmağa icazə verilib və onlar da yalnız İsrail ordusunun müşayiəti ilə bunu edə biliblər.

 

Daxildən daha çox səs eşitmək istəyənlər üçün sosial media bu boşluğu doldurub. Fələstin Televiziyası, WAFA xəbər agentliyi və İordan çayının qərb sahilində fəaliyyət göstərən Fələstin Vatan Xəbərləri kimi xəbər agentliklərinin Facebook səhifələri dünyanın bir çox insanı üçün mühüm məlumat mənbəyinə çevrilib.

 

Mənbə: Bbc news 

Nuray Qurbanlı