Husilərdən İsraildə yuxuları qaçıran raket hücumu

Bölmə: Dünya › ,
Tarix: 14:25 28.12.2024

Yəməndəki İran dəstəklədiyi Husilər İsrailə raket hücumu təşkil edib. Ölkədə bir çox şəhərdə sirenlərin səslənməsinə və panikaya səbəb olan hücumla əlaqədar xalqdan ehtiyat məqsədilə sığınacaqlara getmək çağırışı edilib. İsrail Müdafiə Qüvvələri isə raketin ölkənin hava sahəsinə girmədən məhv edildiyini bildirib.

 

İsrail Müdafiə Qüvvələrinin məlumatına görə, Yəməndəki İran dəstəklədiyi Husilərin atdığı bir raket səbəbilə ölkənin mərkəzi hissələrində sirenlər səslənib. Raketin İsrail hava sahəsinə girmədən məhv edildiyi qeyd olunub.

 

ÖLKƏDƏ PANİKA YAŞANDI

 

İsrailə qarşı cavab hücumlarını davam etdirən Yəməndəki İran dəstəklədiyi Husilər, ölkədə bir daha panikaya səbəb olub. İsrail Müdafiə Qüvvələrinin (IDF) açıqlamasına görə, Yəməndən atılan bir raket səbəbilə Beit Şemeş, Beitar İlit, Kiriyat Arba, Guş Etzion və Arad da daxil olmaqla bir çox şəhərdə sirenlər səslənib.

 

XALQA "SIĞINACAQLARA GEDİN" ÇAĞIRIŞI

 

Ehtiyat məqsədilə xalqa sığınacaqlara getmək çağırışı edilib və raketin İsrail hava sahəsinə girmədən məhv edildiyi bildirilib. İsrail mətbuatı isə məhv edilən raket səbəbilə yaralanan olmadığını xəbər verib.

 

İSRAİLİN YƏMƏNƏ HÜCUMU

 

İsrail əvvəlki axşam saatlarında Husilərin nəzarətində olan paytaxt Sana və Qırmızı dəniz sahilindəki Hudeydə şəhərinə hava hücumları təşkil edib. Hücumlarda ilkin məlumatlara görə, 6 nəfərin həlak olduğu, 40 nəfərin isə yaralandığı bildirilib.

 

İsrail ordusunun açıqlamasında Baş nazir Benyamin Netanyahu, Müdafiə naziri Yisrael Katz və Baş Qərargah rəisi Herzi Halevinin Yəməndəki İran dəstəklədiyi Husilərə qarşı hücum planına təsdiq verdiyi qeyd olunub. Planın təsdiqlənməsindən sonra İsrail ordusuna məxsus döyüş təyyarələrinin Yəməndə "Husilərə məxsus hərbi hədəflərə" hava hücumları təşkil etdiyi elan edilib.

 

Mənbə: Haberler

Aygün Babayeva