Fransa prezidenti Makron Livana səfər edib

Bölmə: Dünya › ,
Tarix: 20:47 17.01.2025

Fransa prezidenti Emmanuel Makron 4 ildən sonra böhrandan sarsılan Livana ilk rəsmi səfərini edir. Makronun Livanın yeni prezidenti Cozef Aunla görüşəcəyi gözlənilir.

 

Fransa prezidenti Emmanuel Makron Livanın paytaxtı Beyruta səfər edir. AP-də yer alan xəbərə görə, Makron Beyrutu beynəlxalq hava limanında Livanın baş naziri Necib Mikati qarşılayıb. Daha sonra onun İsrail sərhədində yerləşən Birləşmiş Millətlər Təşkilatının sülhməramlı qüvvələrində xidmət edən fransız əsgərlərinə baş çəkmək üçün ölkənin cənubuna gedəcəyi gözlənilir. Hava limanında jurnalistlərə açıqlama verən Makron “bu, təşəkkür mesajıdır” deyib. Makronun Livanın yeni prezidenti Cozef Aun ilə görüşü gözlənilir. Səfərdən əvvəl Makron Səudiyyə Ərəbistanının vəliəhd şahzadəsi Məhəmməd bin Salman ilə də görüşüb. Livan və İsrail arasında əldə olunan atəşkəs razılaşması 27 noyabr 2024-cü il, çərşənbə günü yerli vaxtla saat 04:00-da (GMT 05:00) qüvvəyə minib.

 

Mənbə: CNN Türk
Kəmalə Vəliyeva