Tramp Çin Prezidenti Si Cinpinlə telefon danışığı aparıb

Bölmə: Dünya › ,
Tarix: 21:32 17.01.2025

Donald Tramp, ABŞ-ın növbəti həftə Ağ Evə qayıtmağa hazırlaşdığı bir vaxtda Çin Prezidenti Si Cinpinlə “çox yaxşı” telefon danışığı apardığını bildirib.

 

"Mən az öncə Çin sədri Si Cinpinlə danışdım" Tramp öz sosial media platforması Truth Social-da yazıb. “Ümid edirəm ki, biz birlikdə bir çox problemləri həll edəcəyik və buna dərhal başlayacağıq”.

 

Tramp bildirib ki, onlar ticarət, fentanil, TikTok və digər mövzuları müzakirə ediblər və bu danışıq hər iki ölkə üçün “çox yaxşı” olub.

 

“Prezident Si və mən dünyanın daha sülhsevər və təhlükəsiz olması üçün hər şeyi edəcəyik!”,-deyə o əlavə edib.

 

Çinin Xarici İşlər Nazirliyinin yaydığı bəyanata görə, Si bildirib ki, o və Tramp “qarşılıqlı əlaqələrə böyük əhəmiyyət verirlər” və Trampın ikinci dönəmi ərzində Çin-ABŞ münasibətlərinin “yaxşı bir başlanğıc” olmasını ümid edirlər.

 

Mənbə: CNN

Nuray Qurbanlı