Prezident Ərdoğan, Kürşad Zorluya AK Partiyaya qatıldığı üçün rozet taxdı

Bölmə: Dünya › ,
Tarix: 22:02 21.01.2025

İYİ Partiyadan istefa verən Ankara millət vəkili Kürşad Zorlu AK Partiyaya qatılıb. Prezident Rəcəb Tayyib Ərdoğan, AK Partiyanın Ankara İl Konqresində Zorluya partiya rozetini təqdim edib.

 

AK Partiyaya qatılmasının ardından Kürşad Zorlu çıxışında bunları qeyd edib ki, şübhəsiz ki, bu gün ölkəmiz çoxsaylı təhdidlər, tarixi sınaqlar və coğrafi təhlükələrlə üz-üzədir:

 

“Mustafa Kamal Atatürkün dediyi kimi, Məsələ vətəndirsə, qalanı təfərrüatdır anlayışı ilə, Cümhuriyyətimizin ikinci əsrinə qədəm qoyduğumuz bu tarixi dönəmdə Prezidentimizin rəhbərliyi altında ölkəmizə xidmət yolunda inamla aranızda yer alıram. Hörmətli Prezidentim, əziz Ankaralılar, gündüz oturmadan, gecə yatmadan bu müqəddəs yolda əzmlə daha çox çalışacağımıza söz verirəm. Bu cəsarəti və bu imkanı mənə təqdim edən Prezidentimə təşəkkür edirəm”.

 

Mənbə: Hürriyet

Xanım Ağamalıyeva