Elon Musk Trampın inaqurasiya mərasimində etdiyi jestə görə tənqid edilir

Bölmə: Dünya › ,
Tarix: 22:25 21.01.2025

Elon Mask inaqurasiya mərasimində çıxışı zamanı sağ əlini ürəyinə qoyub, daha sonra həmin əli irəli uzadıb və bu hərəkəti arxasındakı kütləyə doğru təkrarlayıb. Sosial mediada bu jest “Nazi salamı” ilə müqayisə edilərək geniş tənqidlərə səbəb olub.

 

Tənqidlərə cavab olaraq Musk, özünə məxsus X platformasında paylaşım edərək, “Hamı Hitlərdir ittihamı artıq çox köhnəlib”,- deyə bildirib. Jestin yanlış başa düşüldüyünü vurğulayıb.

 

Tarixçi Claire Aubin və NYU professoru Ruth Ben-Ghiat Maskın hərəkətini açıq şəkildə “Nazi salamı” adlandırıblar. Eyni zamanda, Muskın yaxın məsləhətçisi Andrea Stroppa jesti “Roma salamı” kimi xarakterizə edib, lakin sonradan paylaşımını silərək, bu hərəkətin sadəcə Muskın duyğularını ifadə etdiyini bildirib.

 

Bəzi tənqidçilər jesti Muskın sağçı partiyalara dəstək mövqeyi ilə əlaqələndiriblər. Bununla belə, Anti-Defamation League (ADL) daxil olmaqla bir sıra qurumlar bu jestin yanlış anlaşılmadan irəli gəldiyini qeyd edib və hərəkəti müdafiə ediblər.

 

Mənbə: BBC News

Aydan Quliyeva