Prezident Ərdoğan, HƏMAS nümayəndə heyətini qəbul edib

Bölmə: Dünya › ,
Tarix: 22:23 29.01.2025

Türkiyə Prezidenti Rəcəb Tayyib Ərdoğan, HƏMAS Şura Məclisinin sədri Məhəmməd Dərviş və onu müşayiət edən nümayəndə heyətini qəbul edib.

 

Türkiyə Prezident Administrasiyasının Kommunikasiya İdarəsindən verilən açıqlamada bildirilib:

 

“Prezidentimiz cənab Rəcəb Tayyib Ərdoğan, HƏMAS Şura Məclisinin sədri Məhəmməd Dərvişi və HƏMAS nümayəndə heyətini Prezident Sarayında qəbul edib.”

 

Prezident Ərdoğan görüş zamanı Türkiyənin Qəzzada baş verən həqiqətləri dünyaya çatdırmağa davam edəcəyini vurğulayıb. O, atəşkəsin ikinci və üçüncü mərhələlərinin uğurla tamamlanmasını arzuladığını bildirib. Ərdoğan həmçinin qeyd edib ki, HƏMAS-ın 471 gün ərzində apardığı mübarizə, dirəniş ruhunun hələ də güclü olduğunu bir daha göstərdi. Görüşdə Türkiyənin Xarici İşlər Naziri Hakan Fidan, Milli Kəşfiyyat Təşkilatının rəhbəri İbrahim Kalın, Prezident Administrasiyasının Kommunikasiya İdarəsinin rəhbəri Fəxrəddin Altun, Prezidentin xarici siyasət və təhlükəsizlik üzrə baş müşaviri Akif Çağatay Kılıç və Prezidentin Xüsusi Katibi Həsən Doğan da iştirak ediblər.

Mənbə: NTV
Ləman Ağayeva