Kanada ABŞ ilə 19 milyard dollarlıq F-35 müqaviləsindən çıxa bilər

Bölmə: Dünya › ,
Tarix: 18:04 15.03.2025

 

Kanadanın müdafiə naziri Bill Bleyr bəyan edib ki, "ölkəsi ABŞ-dən F-35 döyüş təyyarələri almaq üçün imzalanan 19 milyard dollarlıq müqavilədən çıxa və başqa variantlara müraciət edə bilər".

 

Kanada Yayım Korporasiyasının (CBC) xəbərinə görə, Blair 2023-cü ilin iyun ayında ABŞ-dən 88 ədəd F-35 döyüş təyyarəsi alınması üçün imzalanan müqavilə ilə bağlı açıqlama verib. Blair, ABŞ Prezidenti Donald Trampın tariflərlə təhdid etdiyi Kanadanın 19 milyard dollarlıq müqavilədən çıxmaq və alternativ mənbələrdən təyyarə almaq kimi variantları nəzərdən keçirdiyini bildirib. Bleyr bildirib ki, pulu ödənilən və 2026-cı ildə təhvil verilməsi gözlənilən 16 ədəd F-35-dən imtina edə bilməz: “Digər alternativləri və bütün döyüş təyyarələrinin F-35 olub-olmamasını araşdırırıq” ,  - dedi.

 

 

Mənbə: TRT Haber
Kəmalə Vəliyeva