Rusiya sülhməramlılarının fəaliyyəti alqışlanandır
Bölmə: Siyasət ›
,
Tarix: 19:09 22.09.2023
Azərbaycan Ordusu qanunsuz erməni silahlılarının ölkəmizdən çıxarılmasını özü təmin etdi. Prosesdə öz neytral mövqeyini qoruyaraq peşəkər fəaliyyət göstərən həm də Qarabağ ərazisində müvəqqəti yerləşdirilən Rusiya sülhməramlıları oldu.
Azərbaycan ordusunun həyata keçirdiyi antiterror tədbirləri zamanı Qarabağ ərazisində müvəqqəti yerləşdirilən Rusiya sülhməramlıları peşəkar fəaliyyət göstərdilər. Əhalinin təhlükəsizliyinin təmin edilməsi Azərbaycanla razılaşdırılmış qaydada həyata keçirildi.
Ötən gün baş tutan Yevlax görüşündə Rusiya sülhməramlı kontingentinin nümayəndələrinin iştirakı da diqqətə layiqdir. Ekspertlər belə hesab edir ki, sülhməramlıların fəlaiyyətlərini qaydalar çərçivəsində davam etdirilməsi qalan dövrdə də təhlükəsizliyin təmini və humanitar məsələlərdə sıx əməkdaşlığa səbəb ola bilər.
Qeyd edək ki, sülhməramlılar əldə olunmuş razılaşmaların yerinə yetirilməsinə dəstək göstərilməsi missiyasını yerinə yetirməli, qərəzsiz və neytral olmalı, münaqişə tərəflərinin hər ikisinin razılığı əsasında müvafiq bölgəyə yerləşdirilməlidir.
Aynurə
