Daha sağlam bir il üçün qızıl qaydalar!

Bölmə: Maraqlı › ,
Tarix: 14:56 02.01.2024

Yeni il gələndə ağla həmişə yaxşılıq və gözəllik gəlir. Yeni ilin başlaması ilə yeni qərarlar verilir və yeni başlanğıclar planlaşdırılır. İstəyirik ki, bu yolda yaxşı nəticələr olsun. Bütün bu xoş arzuların əvvəlində həmişə sağlamlıq arzulanmalıdır. Səhhətiniz yaxşıdırsa, gələcək üçün daha yaxşı planlar qura və onları daha asan həyata keçirə bilərsiniz.

 

Özünüzə yaxşı baxın!

 

"Özünə yaxşı bax" ifadəsi dilimizə yerləşmiş və bir dostumuza bu ifadəni işlədərkən sıx işlətdiyimiz bir söz halına gəlmişdir.Ancaq bunun arxasındakı məna çox genişdir. Həqiqətən də, özünə yaxşı qulluq etmək son dərəcə vacibdir. Çünki həyatımız, yediyimiz şeylər, hadisələrə baxışımız və reaksiyamız sağlamlığımızla yanaşı kim olduğumuzu müəyyənləşdirir. Özünə yaxşı baxan insan, onun üçün nəyin ən yaxşı və ən uyğun olduğunu ən yaxşı bilən olmalıdır. Bunun üçün səy göstərməli, biliyini artırmalı, lazım gələrsə, buna nail olmaq üçün lazımi yerlərə müraciət etməlidir.Hər bir yetkin özü üçün məsuliyyət daşıyır. Bədənini sağlam saxlamaq üçün lazım olanı etməyə borcludur.

 

Düzgün qidalanmaq!

 

Yaxşı yemək çox yemək demək deyil. Nə yediyiniz daha vacibdir. Bu səbəbdən az yeyin amma yaxşı qidalar seçin, seçici olun. Biz çox yaxşı bilirik ki, yediklərimiz və içdiklərimiz sağlamlığımıza yaxşı və ya pis təsir edir. Təbii ki, yediyimiz miqdar da önəmlidir. Həddindən artıq istehlak edilən hər hansı qida, sağlam olsa belə, kökəlməyə qədər, bizə fayda verməkdən daha çox zərər verəcək. Bu səbəblə sağlamlığımız üçün xüsusilə faydalı qidaları mövsümündə, bol çeşiddə və məqbul miqdarda istehlak etmək lazımdır.

 

Yaxşı vərdişlərə sahib olun!

 

Vərdişlərimiz də həyat tərzimizi müəyyən edir. Məsələn, erkən oyanmaq və tez yatmaq vərdiş ola bilər. Hər gün idman etmək və ya heç olmasa gəzmək də vərdiş ola bilər. Bunlar sağlamlığımız üçün faydalı olan vərdişlərdir. Spirtli içkilər, siqaret və kola içkilərindən istifadə sağlamlığımıza zərərli təsir göstərən vərdişlər yaradır.

 

Yaxşı dostlar tapın!

 

Dostlarımız hamımız üçün çox dəyərlidir. Yaxşı və pis günləri dostlarla bölüşərək keçirmək bizi daha rahat və xoşbəxt edir. Unutmayın, sevimli heyvanınız da sizin üçün yaxşı dost və ya yoldaş ola bilər.

 

Yuxu rejminə diqqət edin!

 

Biz tez-tez yuxunun psixoloji vəziyyətimizə və immunitetimizə müsbət təsirindən danışırıq. Yaxşı bir yuxu sizi yeni günə yaxşı hazırlamaq üçün ilk addım olacaq. Yaxşı hərəkət edin. Hərəkət, xüsusilə açıq havada gəzintilər yuxuya, həm ruhi, həm fiziki sağlamlığımıza, həm də ürək-damar sistemimizə müsbət təsir göstərir.

 

Yaxşılıq edin! Yaxşı düşünün!

 

Yaxşılıq etmək, pozitiv düşünmək və optimist olmaq da ruhunuz üçün xeyirli olacaq. Psixi və fiziki sağlamlıq bir bütövdür və bir-birindən çox təsirlənir.

 

CNN türk    

Təhminə Abdurəhimova