Qorxmanın bir faydası varmı?
Bölmə: Maraqlı ›
,
Tarix: 12:27 09.01.2024
Mütəxəssislər, məşhur inancın əksinə olaraq, qorxu filmlərinə baxmağın psixoloji cəhətdən faydalı olduğunu iddia edirlər. Niyə görəsən?
Gəlin etiraf edək ki, qorxu filmlərinə baxmaq və ya hər qorxu filminə baxmaq hər adamın işi deyil. Ancaq bu janrı sevib izləyirsinizsə, qorxu filmlərinin psixologiyanıza müsbət təsir etdiyi ekspertlər tərəfindən təsdiqlənib. Həm Netflix kimi platformalarda, həm də kinoteatrlarda qorxu janrında istehsal edilən filmlərin sayı artdıqca, bu üstünlüklərdən bir az danışmaq istədik. Dəhşət filmlərinə baxmaq vaxtı gəlsə də, bəlkə bu janra bir az daha şans vermək istərdiniz?
Psixoloqların fikrincə, qorxu filmləri müxtəlif səbəblərdən tamaşaçını sakitləşdirir. Bunlardan ən əsası odur ki, ekranda baş verən pis hadisələri görmək tamaşaçıda “mən tək deyiləm” hissi yaradır. Yəni “Hər kəsin həyatı mükəmməldir, pis şeylər ancaq mənim başıma gəlir” hissi yüngülləşir. Sizcə, bəzilərimizin xoşbəxt sonluqla bitən romantik komediyaları sevməməsinin səbəbi bu ola bilər?
İkinci səbəb odur ki, içimizdə hardasa qorxu filmlərinə baxmağın bizi həqiqətən pis bir hadisə ilə qarşılaşmağa hazırladığını düşünürük. Bu “döyüş və ya qaç” cavabının baş verməsi bizi şüuraltı olaraq qane edir.
Bundan əlavə, bəzilərimizin genlərində yerləşmiş 'heyecan axtaran' kodu bu insanları adrenalin buraxmağa hazır və istəkli edir. Əgər siz də bu tip insanlardansınızsa, qorxu filmlərinə baxıb adrenalin buraxdığınız zaman həm bundan həzz alırsınız, həm də rahatlıq hiss edirsiniz.
Həmçinin qorxu mövzulu prodüserlərin yaratdığı bu qısamüddətli süni stress kalorilərin yandırılmasına kömək edir və hətta bir müddət immunitet sistemini gücləndirir.
Şüurlu şəkildə qorxulu və ya stresli bir fəaliyyətlə məşğul olmağı seçdiyimiz zaman, istər filmə baxmaq, istərsə də qorxu tunelinə girmək, sonradan hiss etdiyimiz bir müvəffəqiyyət hissi var. Təbii ki, mütəxəssislər onu da vurğulayırlar ki, əgər siz qorxu filmlərini sevmirsinizsə, onları izləməyə məcbur etdiyiniz zaman bu effektlərin tam əksini yaşamaq riskiniz var.
Qısacası, qorxu filmlərinə baxmağı sevirsinizsə, bütün bu müsbət təsirləri hiss edirsiniz və buna görə də qorxu filmlərinə baxmağı sevirsiniz. İndi hansı filmin və ya serialın o ləzzətli qəribə təlaş hissini təmin edəcəyinə qərar vermək üçün mükəmməl vaxtdır!
Çimnaz Məmmədova
