Qarlı havada yollarda hansı tədbirlər görüldü? -AÇIQLAMA

Bölmə: Sosial › ,
Tarix: 15:21 17.01.2024

Bildiyimiz kimi, ölkəmizin bəzi bölgələrində hələ də qarlı hava şəraiti müşahidə olunur. Yanvarın 13-dən başlayaraq isə Bakı şəhərində də belə hava müşahidə olundu.

Yolların buzlu olması həm sürücülər, həm də piyadalar üçün müəyyən çətinliklər yaratdı. Bəzi ərazilərin qardan təmizlənmədiyi, lazımi tədbirlərin alınmadığı, bu səbəblə vətəndaşların xəsarətlər aldığı müşahidə olundu.

 

Bəs, qarlı havada ərazilərin təmizlənməsi ilə bağlı hansı tədbirlər görülürdü?

 

Bakı Şəhər Mənzil kommunal təsərrüfat departamentinin informator.az- a açıqlamasında qeyd edilir ki, departamentin əməkdaşları yanvar ayının 13-dən etibarən gücləndirilmiş iş rejimində keçid ediblər.

 

"Axşam saatlarından səhərə kimi yağan qarın əsas küçə, prospekt və  piyada səkilərindən, avtobus dayanacaqları və metro stansiyalarının qarşısından  təmizlənməsini aparıblar. Həmçinin şaxtalı hava şəraitində qarın təmizlənməsi və xüsusi təyinatlı texnika vasitəsi ilə yollara duz səpilməsi həyata keçirilib.
Məhəllədaxili yollarda və binaların həyətlərində isə rayon mənzil kommunal təsərrüfat birlikləri tərəfindən təmizlənmə işləri aparılıb".

 

Açıqlamada əlavə olunur ki, hal- hazırda qardan təmizlənən ərazilərdə təmizlik işləri aparılır, yol kənarları və digər ərazilər yuyulur.

 

 

Nəzrin Mirzəyeva