"Ayaq səsləri"-Rizvan Fikrətoğlunun qələmində!

Bölmə: Sosial › ,
Tarix: 21:39 02.02.2024

Bu gün Azərbaycan Yazıçılar Birliyinin və Azərbaycan Jurnalistlər Birliyinin üzvü Rizvan Fikrətoğlunun "Ayaq səsləri" kitabının təqdimatı keçirilib. 

 

İnformator.az xəbər verir ki, Milli kitabxanda keçirilən kitabın təqdimatında Əməkdar jurnalist, kitabın redaktoru və ön söz müəllifi Əli Nəcəfxanlı, "Xalq qəzeti"-nin Multimediya şöbəsinin müdiri Səbuhi Məmmədov, yazıçı Zaur Ustac, "Xalq qəzeti"-nin əməkdaşı İlqar Həsənov, “Aytam” Uşaqların Mədəni Maarifləndirilməsi İctimai Birliyinin sədri Aygün Zamanlı, “Gənclərin Töhfəsi” İctimai Birliyinin sədri Asim Vəliyev çıxış etdilər. 

 

Kitabın redaktoru, eləcə də ön söz müəllifi Əli Nəcəfxanlı kitab haqqında tədbir iştirakçılarına geniş məlumat verdi. 

 

Müəllif "Ayaq səsləri" kitabında bir qocanın başına gələn taleyi təsvir edərək bir azərbaycanlının həyat tərzini canlandırdığını, qocanın başına gələn hadisələri bir süjet xəttində qələmə aldığını söylədi.

 

Tədbirin davamında yazıçı Zaur Ustac müəllifi təbrik edərək ona "İsa Muğanna" mükafatını təqdim etdi.

 

"Aytam" Uşaqların Mədəni Maarifləndirilməsi İctimai Birliyinin bədii qiraətçiləri Rəbiyyə Bayramova və Rafael İsgəndərov, gənc yazarlar eləcə də tədbir iştirakçıları Milli Kitabxana tərəfindən təşəkkürnamə ilə təltif olundu.

 

Qeyd edək ki, kitabın təqdimat günü təsadüfi seçilməyib. Yazar məhz Gənclər günündə öz kitabı ilə bu günə töhvə verib, ruhu gənc qalan hər bir gəncin bayramını təbrik etdi. Tədbirin sonun da müəllifin imza mərasimi baş tutdu.

 

Gənc müəllif Rizvan Fikrətoğlunu təbrik edir, gələcək yaradıcılıq fəaliyyətində uğurlar diləyir, kitabının axırıncı deyil axarıncı olmağını arzu edirik!

 

Banuçiçək Kalbalıyeva