Xaricdə təhsil almaq istəyiniz varsa, reallaşdırmaq üçün səy göstərin -Vüsal Qurbanov

Bölmə: Sosial › ,
Tarix: 23:43 12.02.2024

"İnfomator.az" saytının "Xaricdə təhsil alan tələbələr" rubrikasının növbəti müsahibi Vüsal Qurbanovdur.

Vüsal Qurbanov kimdir? 

Mən Vüsal Qurbanov, bakalavr təhsilimi Bakı Mühəndislik Universitetində Mexanika Mühəndisliyi ixtisası üzrə alaraq 2023-cü ildə məzun oldum. Hal-hazırda isə Macarıstanın Szombathely şəhərində yerləşən və Macarıstan üzrə reytinqə görə, 1-ci yerdə olan Eötvös Loránd University(ELTE)-də Mexanika Mühəndisliyi ixtisası üzrə magistr təhsili alıram. 2023-cü ildə Stipendium Hungaricum təqaüdünü qazandım. Həmçinin Macarıstan üzrə konsultant kimi çalışıram. Macarıstana gəlmək istəyən tələbələrə bu yolda hərtərəfli dəstək oluram.

Təqaüd proqramı “Azərbaycan Respublikasının Elm və Təhsil Nazirliyi ilə Macarıstanın Xarici İşlər və Ticarət Nazirliyi arasında 6 yanvar 2021-ci il tarixində imzalanıb. 2021-2023-cü illər üçün “Stipendium Hungaricum” proqramı çərçivəsində əməkdaşlıq haqqında Anlaşma Memorandum"una əsasən həyata keçirilir.

Təqaüd proqramının üstünlükləri nələrdir?

Təqaüd ümumi olaraq qarşılayır: aylıq təqaüd, yataqxana, tibbi siğorta ödənişsiz təhsil

Müraciət üçün əsas sənədlər:

ÜOMG min 70, IELTS 6.5(Universitet tələblərinə əsasən Duolingo, TOEFL və yaxud B2 səviyyəni sübut edən beynəlxalq sertifikatlarda keçərlidir),2 ədəd tövsiyə məktubu,motivasiya məktubu, europass CV, tibbi sənədlər(QİÇS və Hepatit B C),attestat (Bakalavrlar üçün)

Müraciət prosesi necə həyata keçirilir? 

Təqaüd proqramını müraciət etmək üçün öncə hər iki portaldan qeydiyyatdan keçirsiz. Növbəti müvafiq sənədlər doldurulduqdan sonra ərizəniz Elm və Təhsil Nazirliyi tərəfindən təsdiqlənir və siz müsahibəyə dəvət olunursuz. Müsahibə mərhələsini uğurla tamamladıqdan və əsas siyahıya düşdükdən sonra Macarıstan universitetləri öz strukturlarına uyğun sizlə müsahibə, imtahan keçirir və yaxud da recording tələb edir. Qeyd edim ki, bu təqaüd üzrə yalnız 2 Macarıstan universitetinə müraciət etmək haqqınız var. Müsahibə zamanı sizə backgroundunuzdan, motivasiya məktubunuzda qeyd etdiyiniz hər hansı könüllülük fəaliyyəti, iş təcrübəsi varsa, onlardan suallar ünvalana bilər. Növbəti mərhələ isə artıq viza mərhələsidir. Vizanı almaq üçün səfirliyə yaxınlaşırsız və müvafiq sənədləri təqdim edib rüsumsuz vizanı əldə edirsiz.

Macarıstanda sizi ən çox nələr cəlb edir?

Macarıstanı seçməkdə məqsədim odur ki, bu ölkənin sevdiyim bir çox xüsusiyyətləri var. Macarıstan təhlükəsiz və azad ölkədir.

Macarıstanın nəqliyyat sistemini çox bəyənirəm. Yol hərəkət qaydalarına ciddi əməl olunur. Səyahət üçün biletləri 30,45,90 dəqiqəlik və yaxud 1 aylıq mobil tətbiqdən əldə edə bilərsiz. Həmin zaman içərisində istənilən nəqliyyatdan pulsuz formada istifadə edirsiz.

Azərbaycanla Macarıstan arasında sıx əlaqələr var. Bakıdan Budapeştə birbaşa Wizzair hava yolları, ASAP, MAGB təşkilatları buna misal ola bilər.

Universitetlərdə təhsil sistemi yüksəkdir. Xüsusilə oxuduğum universitetdə tələbələr üçün çoxlu şanslar yaradılır. Dərslər daha çox praktik keçirilir. İmtahanların sayı az olur və tələbənin kəsilməməsi üçün 3-4 dəfə təkrar şans verilir, professorlar daha çox layihə, ev tapşırığına önəm verir. İxtisasla bağlı praktik formada proqramlar öyrədilir. Bir çox digər müsbət cəhətlər var.

Macarıstanda təhsil aldığım müddətdə, demək olar ki, heç bir ciddi problem ilə qarşılaşmadım.

Macarıstanda, ümumiyyətlə, xaricdə təhsil almaq istəyənlərə tövsiyələriniz:

Macarıstanda təhsil almaq istəyən gənclərə demək istəyirəm ki, həqiqətən xaricdə təhsil təcrübəsini yaşayın. 

Xaricdə təhsil sizə çox məqamda kömək edəcək:

Təhsilinizi artıracaqsız

Yeni xarici vətəndaşlarla ünsiyyətdə olacaqsız.

Qrup yoldaşlarınızla verilən tapşırıqları etməklə və imtahana birgə hazırlaşmaqla teamwork qabiliyyətinizi artıracaqsız.

Yeni görməli yerlər müşahidə edərək və müxtəlif aktivitelərlə məşğul olaraq dünyagörüşünüzü artırmış olacaqsız.

Sizə son olaraq tövsiyəm odur ki, nə olursa olsun hədəfinizdən daşınmayın. Əgər xaricdə təhsil almaq istəyiniz varsa, reallaşdırmaq üçün səy göstərin və bu yoldan sizi yayındıran çox olacaq, qətiyyən,icazə verməyin. “Day 1 or One Day?” Qərarı düzgün verin. Hər birinizə uğurlar arzu edirəm!

 

Asiman Hafizqızı