Bu gün Arif Paşayevin 90 illik yubileyidir

Bölmə: Sosial › ,
Tarix: 16:52 15.02.2024

Bu gün -15 fevral Azərbaycanlı alim, fizika -riyaziyyat elmləri doktoru, akademik, Azərbaycan Respublikasının əməkdar elm xadimi, Milli Aviasiya akademiyasının rektoru Arif Paşayevin 90 illik yubileyidir.

 

Arif Paşayev elm və təhsil sahəmizə misilsiz töhfələr verib, yeniliklər gətirib. Alimin əldə etdiyi elmi nəticələrin bir çoxu ixtira səviyyəsində işlənib beynəlxalq sərgi və müsabiqələrdə qızıl, gümüş medallar və diplomlarla təltif olunub, bir sıra sənaye müəssisələrində tətbiq edilib. Eyni zamanda Arif Paşayev 300-ə yaxın elmi əsərin, 15-dən artıq kitabın və monoqrafiyanın müəllifidir. 30-dan çox ixtiraya görə müəlliflik şəhadətnaməsi və sənaye nümunələri alıb, medallar və diplomlarla təltif olunub. Bundan əlavə, Arif Paşayev Azərbaycan Respublikasının Dövlət mükafatına, fizika sahəsindəki yüksək nailiyyətlərinə görə "SSRİ-nin ixtiraçısı" medalına, akademik Y.Məmmədəliyev adına medala və İngiltərə Beynəlxalq Bioqrafiya Mərkəzinin qızıl medalına layiq görülüb.

 

2004-cü ilin bu günündə -fevralın 15 -də Vətənimizin daha bir yüksək mükafatına -"Şöhrət ordeni"nə layiq görülüb.

 

Alim yüksək elmi-praktiki potensiala malik olmaqla yanaşı, yüksək vətəndaşlıq, vətənpərvərlik hisləri ilə yaşayıb-yaradan şəxsiyyətdir. Bununla yanaşı o, gənc nəslin təlim-tərbiyəsində ,vətənpərvərlik ruhunda tərbiyə olunmalarını xüsusi diqqətdə saxlayan qayğıkeş rəhbərdir.

 

Səkinəbəyim Cəfərova