Parisdə binanın damında yanğın baş verdi

Bölmə: Dünya › ,
Tarix: 22:57 17.09.2024

Parisdə bir binanın damında baş verən yanğında 2 nəfər xəsarət alıb

Bildirilib ki, yanğın zamanı azı iki qaz balonu partlayıb, hadisə nəticəsində 2 nəfər, bir tikinti işçisi və bir yanğınsöndürən yaralanıb.

Milli mətbuatda yer alan xəbərlərə görə, yerli vaxtla saat 16:45 radələrində Parisin 13-cü məhəlləsində İvri küçəsi ilə Massena bulvarının kəsişməsində yerləşən 10 mərtəbəli binanın damında  yanğın başlayıb.

Yanğına müdaxilə etmək üçün əraziyə çoxlu sayda yanğınsöndürən göndərilərkən, binanın ətrafında təhlükəsizlik tədbirləri görülüb.

“Le Figaro”nun məlumatına görə, yanğın binanın damında tikinti işləri aparılarkən baş verib.

Parisin 13-cü dairəsinin müdiri  Jerome Coumet yanğının yerli vaxtla saat 19:00 radələrində nəzarət altına alındığını açıqlayıb.

Yanğın səbəbindən Porte de Charenton və Porte d'İtalie dayanacaqları arasında T3a tramvay xətti bağlanıb.  Porte d'Ivrymetro stansiyası da bağlanıb.

Sosial şəbəkələrdə yayılan görüntülərdə binanın damından tüstünün qalxdığı və partlayışın baş verdiyi anlar əks olunub.

Mənbə : TRT Haber
Lalə Qafarova