İsrailin Livana hücumlarında ölənlərin sayı 492-yə yüksəlib

Bölmə: Dünya › ,
Tarix: 14:29 24.09.2024

İsrailin səhər saatlarından etibarən Livana hücumlarında ölənlərin sayı 492-yə, yaralıların sayı isə 1645-ə yüksəlib.

Əməliyyatlar Mərkəzindən verilən açıqlamada, İsrail ordusunun bu səhərdən etibarən Livana həyata keçirdiyi hücumlarla bağlı məlumat verilib.

İsrailin hücumlarında indiyədək 35-i uşaq, 58-i qadın olmaqla 492 nəfərin həyatını itirdiyi, 1645 nəfərin isə yaralandığı bildirilib.

İsrail ordusu səhər saatlarından etibarən Livanın cənub şəhərləri ilə yanaşı Bekaa və Baalbek bölgələrinə də yüzlərlə hava zərbəsi endirib.

Miqrasiya dalğası davam edir
Ölkənin cənub bölgələrindən paytaxt Beyruta və şimal bölgələrinə köç dalğası davam edir.

Xalq Sağlamlığı Təcili Əməliyyatlar Mərkəzindən əvvəlki açıqlamada İsrailin hücumu nəticəsində 24-ü uşaq olmaqla 356 nəfərin öldüyü, 1246 nəfərin yaralandığı bildirilib.

Mənbə: TRT Haber
Fidan Fərhadlı