İsraildən Beyruta yeni hücum: 6 ölü, 15 yaralı

Bölmə: Dünya › ,
Tarix: 23:28 24.09.2024

İsrail ordusu Livanın paytaxtı Beyrutun cənubuna hava hücumu həyata keçirib. Livanın Səhiyyə Nazirliyi 6 nəfərin öldüyünü, 15 nəfərin yaralandığını açıqlayıb.

 

İsrail ordusu Livana hücumlarını fasiləsiz olaraq davam etdirir. İsrail Müdafiə Qüvvələrindən (IDF) verilən açıqlamada Livanın paytaxtı Beyruta hücumun təşkil edildiyi bildirilib.

 

Hücumla bağlı təfərrüatların daha sonra veriləcəyi bildirilib. Livan Səhiyyə Nazirliyindən verilən açıqlamada Beyruta edilən hücumda 6 nəfərin öldüyü, 15 nəfərin yaralandığı bildirilib.

 

“HİZBULLAHIN KOMANDERİ İBRAHİM KUBEYSİ ÖLDÜRÜLDÜ”

 

Livanlı təhlükəsizlik mənbələri İsrail ordusunun Beyrutun cənubundakı Ghobeiry bölgəsində 6 mərtəbəli binanı hədəf aldığını və hücumda Hizbullah komandirlərindən İbrahim Kubeysinin öldürüldüyünü iddia edib.

 

Mənbə:Son haber 

Aslanova Fatimə