Tramp Rusiyanın Napoleon üzərində qələbəsini xatırladıb

Bölmə: Dünya › ,
Tarix: 23:40 24.09.2024

ABŞ prezidentliyinə Respublikaçılar Partiyasından namizəd Donald Tramp ruslar Adolf Hitler və Napoleon Bonapartı məğlub etdiyi üçün Rusiyanın Ukrayna münaqişəsində uduzacağını gözləməməyə çağırıb. Bu barədə RİA Novosti yazır.

Onun sözlərinə görə, ABŞ Ukrayna münaqişəsində “ilişib” . Tramp Kiyev qalib gələnə qədər geri çəkilməyəcəyini bildirən Amerika rəhbərliyinin mövqeyini xatırladıb .

“Qazansalar nə olacaq? Bunu edirlər, döyüşürlər. Keçən gün kimsə mənə dedi: “Onlar Hitleri, Napoleonu məğlub etdilər, bunu edirlər, döyüşürlər” dedi Tramp. Siyasətçi seçkilərdə qalib gələcəyi təqdirdə Moskva və Kiyev arasında danışıqlara nail olacağına söz verib.

Avqustun sonunda Tramp həmçinin bütün “xaricdə sonsuz müharibələrə” son qoyacağını vəd etmişdi . O, andiçmə mərasiminə qədər Ukraynadakı münaqişəni həll edə biləcəyini bəyan edib .