İsraildən Livana sıx hücum!

Bölmə: Dünya › ,
Tarix: 23:34 25.09.2024

Günlərdir ki, İsrail-Livan xəttinə hücumlar davam edir. İsrail ordusu Livanın cənubunda və Bekaa bölgəsində hərtərəfli hücumlar həyata keçirdiyini açıqlayıb.

İsrail Livanın cənubuna intensiv hücuma keçdiyini bildirib. İsrail ordusu Livanın cənubundakı Nəbatiyə bölgəsinə hücuma keçdiyini açıqlayıb. Livan Hizbullahı İsrailin şimalındakı Safed bölgəsinə raket hücumu həyata keçirir. İsrailin bugünkü hücumlarında 22 nəfər həyatını itirib.

İsrail ordusu Livanın cənubundakı Nəbatiyə bölgəsinə hücuma keçdiyini açıqlayıb. Livan Hizbullahı İsrailin şimalındakı Safed bölgəsinə raket hücumu həyata keçirir.
İsrail ordusu Livanın şərqində və cənubunda Bekaa vadisinə "hərtərəfli" hava zərbələri endirdiyini açıqlasa da, Hizbullah İsrailin şimalına raket zərbələri endirməkdə davam edir.
İsrail ordusundan verilən açıqlamada Livanın cənubunda və Bekaa vadisində "hərtərəfli" hava hücumlarının həyata keçirildiyi bildirilib.
Bölgə sakinləri bildiriblər ki, İsrail hava hücumları Bekaa vadisində və Livanın cənubunda bir çox nöqtələrə zərbələr endirib.
Livan rəsmiləri hücumlar və hər hansı insan itkisinin olub-olmaması ilə bağlı hələlik açıqlama verməyib.

Digər tərəfdən, Hizbullah hücumlara cavab olaraq İsrailin şimalına raket zərbələri endirməkdə davam edir.
Bildirilib ki, Hizbullahın atdığı raketlərə görə İsrailin şimalındakı Safed şəhərində sirenlər səslənib.
Atılan raketlərin əksəriyyətinin İsrailin müdafiə sistemi tərəfindən havada məhv edildiyi bildirilib.
İsrailin Livana hücumları nəticəsində 558 nəfər ölüb

İsrail ordusu sentyabrın 23-ü səhər saatlarından etibarən Livanın cənub şəhərləri ilə yanaşı Bekaa və Baalbek bölgələrinə də yüzlərlə hava zərbəsi endirib.
Livan Səhiyyə Nazirliyi hücumlarda 50-si uşaq, 95-i qadın olmaqla 558 nəfərin öldüyünü, 1835 nəfərin isə yaralandığını açıqlayıb.

Ölkənin cənub bölgələrindən paytaxt Beyruta və şimal bölgələrinə köç dalğası davam edir.

Mənbə: Habertürk
Elnurə Kərimova