İsrail Livan-Suriya sərhədinin şərqinə və şimalına hava zərbələri endirdiyini açıqlayıb

Bölmə: Dünya › ,
Tarix: 23:11 26.09.2024

Sentyabrın 23-də İsrail-Livan xəttində başlayan hava hücumları davam edərkən, İsrail Livan-Suriya sərhədinin şərq və şimalına hava hücumları təşkil etdiyini açıqlayıb.

İsrail ordusu Hizbullaha silah qaçaqmalçılığı üçün istifadə edildiyini əsas gətirərək hava hücumu təşkil etdiyini açıqlayıb.

İsrail ordusu Livan-Suriya sərhədinin şərqində və şimalında 8 fərqli nöqtəyə "Hizbullaha silah qaçaqmalçılığı üçün istifadə edildiyini" iddia edərək hava hücumu təşkil edib.

İsrail ordusunun sözçüsü, döyüş təyyarələrinin Livan-İsrail sərhədində "Hizbullah tərəfindən Livana silah ötürmək üçün istifadə edildiyini" iddia etdikləri məntəqələrə hava hücumları təşkil etdiyini açıqlayıb.

İsrail ordusunun paylaşdığı qrafikə görə, Livan-Suriya sərhədinin şərqində üç nöqtə, şimalda isə bir-birinə yaxın beş nöqtə hədəf alınıb.
İsrail ordusu sentyabrın 23-dən bəri Livanın cənub şəhərlərinə, həmçinin Bekaa və Baalbek bölgələrinə yüzlərlə hava zərbəsi endirib.

Livan səlahiyyətlilərinə görə, intensivləşdirilmiş hava hücumlarında 677 nəfər ölüb, 150 minə yaxın insan isə bombardmanlar nəticəsində ölkə daxilində didərgin düşüb.

Ölkənin cənub bölgələrindən paytaxt Beyruta və şimala köç dalğası davam edir.

Mənbə: Habertürk
Elnurə Kərimova