Ermənistanın mineral xəritəsində tarixi toponimlər üzə çıxdı

Bölmə: Siyasət › ,
Tarix: 19:22 28.02.2025

Ermənistanın mineral xammal resurslarının xəritəsi kağız formatda ötən il hazırlanmışdı, lakin İrəvan bu xəritənin yayılmasına mane olurdu.

 

Bu barədə politoloq Elman Vəliyev “İnformator.az”a açıqlamasında bildirib ki, Ermənistanın mineral xammal xəritəsində Qərbi Azərbaycan toponimlərinin işlədilməsi tarixi həqiqətlərin yenidən üzə çıxması baxımından mühüm məqamdır:

 

“Bu, bölgənin azərbaycanlıların tarixi və mədəni irsi ilə bağlılığını sübut edən faktlardan biridir. Ermənistan uzun illər ərzində bu toponimləri dəyişdirməyə çalışsa da, indi onların rəsmi sənədlərdə əks olunması müəyyən ziddiyyətlər yaradır. Beynəlxalq səviyyədə bu məsələ Ermənistanın tarixən azərbaycanlılara məxsus əraziləri mənimsədiyini göstərir və siyasi müzakirələrə səbəb ola bilər. Xəritənin yayılması regional münaqişələrin tarixini araşdıran tədqiqatçılar üçün yeni mübahisə predmetinə çevrilə bilər. Həmçinin, bu, Ermənistana qarşı tarixi ədalətin bərpası istiqamətində diplomatik və hüquqi arqument kimi istifadə oluna bilər”.

 

Asiman Vəliyeva