İsveçli jurnalist Joakim Medin “terror təşkilatına üzv olmaq və prezidenti təhqir etmək” ittihamı ilə həbs edilib.

Bölmə: Siyasət › ,
Tarix: 19:40 30.03.2025

 

Türkiyədə isveçli jurnalist Joakim Medinin həbsindən sonra Prezidentliyin Kommunikasiyalar İdarəsinin Dezinformasiya ilə Mübarizə Mərkəzi bəyanat yayıb.Açıqlamada Medinin “Silahlı Terror Təşkilatına üzv olmaq” və “Prezidenti təhqir etmək” ittihamları ilə həbs edildiyi qeyd edilib.

 

İsveçin Dagens ETC qəzeti xarici xəbər müxbiri Joakim Medinin martın 27-də Türkiyədə saxlanıldığını açıqlayıb.

 

Rabitə Müdirliyi tərəfindən 29 mart tarixli açıqlamada Medin “Anti-Türkiyə xəbərləri və terror təşkilatı PKK-ya yaxınlığı ilə tanınan Dagens ETC müxbiri” olaraq xarakterizə edilib.

 

Həbs qərarının "jurnalist fəaliyyəti ilə heç bir əlaqəsi olmadığı" ifadə edilən açıqlamada, Medinin 11 yanvar 2023-cü ildə Stokholmda "PKK/KCK terror təşkilatını dəstəkləyən şəxslərlə" prezident Rəcəb Tayyib Ərdoğanın "modelini" təşkil edərək təşkil edilən etiraz aksiyasına qatıldığı və hadisə ilə bağlı Ankara Baş Prokurorluğu tərəfindən istintaq başladıldığı bildirilir.

 

Həmçinin, Medinin “terror təşkilatı ilə mətbuat arasında əlaqə yaratmaqla bağlı cinayət keçmişi olduğu” bildirilib.

 

Bildirilib ki, Medin martın 27-də İstanbul hava limanına gələrkən saxlanılıb və martın 28-də həbs edilib.

 

BBC NEWS
Səftərova Səmayə