Qəzzadakı hökumət İsrailin Qəzzada 15 tibb işçisini öldürməsini pisləyib

Bölmə: Dünya › ,
Tarix: 20:39 31.03.2025

Qəzzədəki hökumət İsrailin Qəzzədə 15 tibb işçisini öldürməsi ilə bağlı beynəlxalq müstəqil araşdırma aparılmasını tələb edib.

 

Qəzza hökumətinin Media Ofisinin yaydığı açıqlamada İsrail ordusunun Fələstin Qızıl Aypara Cəmiyyətində çalışan 8 tibb işçisini, 6 mülki müdafiə əməkdaşını və Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər Agentliyinin bir əməkdaşını qətlə yetirdiyi bildirilib.

Açıqlamada: "İşğalçı İsrail ordusunun humanitar vəzifəsini yerinə yetirən 15 əməkdaşı birbaşa hədəf alaraq və yerindəcə edam edərək törətdiyi dəhşətli cinayəti ən sərt şəkildə pisləyirik" , - deyib.

 

İsrailin tibb və humanitar sahədə fəaliyyət göstərən insanları sistematik şəkildə hədəfə aldığını qeyd edən açıqlamada, tapılan bəzi cəsədlərin əllərinin bağlı, baş və sinə nahiyələrindən güllələnmiş və dərin çuxura basdırılmış vəziyyətdə olması bu şəxslərin təsadüfən yox, qəsdən öldürüldüyünü sübut etdiyi bildirilib.
İsrailin törətdiyi hərbi cinayətlər və insanlığa qarşı cinayətlərə görə yalnız Təl-Əviv hökumətinin deyil, həm də ABŞ, Böyük Britaniya, Almaniya və Fransa kimi "soyqırımda iştirak edən ölkələrin" məsuliyyət daşıdığı qeyd olunub.

 

 

Mənbə: TRT Haber
Nigar Həsənzadə