"İsrail həbsxanalarında 7 oktyabrdan bəri 63 fələstinli öldürülüb"

Bölmə: Dünya › ,
Tarix: 22:21 03.04.2025

Fələstin Əsirlər Cəmiyyəti bildirir ki, İsrailin Qəzzaya hücuma başladığı 7 oktyabr 2023-cü ildən bu yana İsrail həbsxanalarında 63 fələstinli həyatını itirib.

 

Fələstin televiziyası "PBC"nin internet səhifəsində Fələstin Əsirlər Cəmiyyətinin sözçüsü Əmcəd ən-Nəccarın İsrail həbsxanalarındakı fələstinlilərin vəziyyəti ilə bağlı açıqlamalarına yer verilib.

 

Nəccar qeyd edib ki, İsrailin ifrat sağçı Milli Təhlükəsizlik naziri İtamar Ben-Qvirin qəbul etdiyi 32 hərbi qərar və 77 sərt qayda, 7 oktyabr 2023-dən sonra İsrail həbsxanalarındakı fələstinlilərə qarşı misli görünməmiş hüquq pozuntularına səbəb olub və nəticədə 63 fələstinli öldürülüb.

 

O vurğulayıb ki, İsrail həbsxanalarındakı fələstinlilərin vəziyyəti Qəzzada atəşkəs razılaşmasının birinci mərhələsinin başa çatmasından sonra ən pis həddə çatıb. Təmiz geyim və gigiyena vasitələrinin verilməsinin qadağan edilməsi, habelə duş qəbuluna icazə verilməməsi səbəbindən qaşın xəstəliyinin artdığı müşahidə olunur.

 

Qəzzədə 19 yanvar qüvvəyə minmiş atəşkəs və əsir mübadiləsi razılaşmasının 42 günlük birinci mərhələsi 2 martda başa çatdı.

 

İsrail ordusu isə Qəzza zolağında 19 yanvardan etibarən qüvvəyə minən atəşkəsdən sonra 18 mart səhəri ağır hücumlara yenidən başlayıb.

 

Mənbə :TRT Haber

Nigar Həsənzadə