Amazon’un TikTok’u satın almaq üçün təklif verdiyi bildirilir

Bölmə: Dünya › ,
Tarix: 22:03 03.04.2025

ABŞ-nin texnologiya nəhəngi Amazon-un Çin mənşəli TikTok tətbiqini satın almaq üçün təklif verdiyi bildirilib.

 

ABŞ Prezidenti Donald Trump, TikTok-un bir Amerika şirkətinə satılması ilə bağlı "böyük maraq olduğunu" bildirmiş və bunun üçün verilən müddətin 5 aprel tarixində bitəcəyini açıqlayıb. Vaxt yaxınlaşarkən, adı açıqlanmayan bir Amazon nümayəndəsi, şirkətin TikTok-u almaq üçün hərəkətə keçdiyini bildirib. Həmin nümayəndənin sözlərinə görə, Amazon rəhbərliyi ABŞ-nin vitse-prezidenti J.D. Vance və Ticarət naziri Howard Lutnick-ə rəsmi təklif məktubu təqdim edib. Lakin The New York Times qəzetinin xəbərinə görə, adı açıqlanmayan üç rəsmi şəxs Amazon-un təklifinin ciddi qəbul edilmədiyini irəli sürüb. TikTok-a əlavə vaxt verilə bilər. Donald Trump prezidentliyinin ilk günlərində, TikTok-un bir ABŞ şirkətinə satılmaması halında ölkədə qadağan olunmasını nəzərdə tutan qanunun icrasını 75 gün müddətinə təxirə salan fərman imzalayıb. ABŞ Prezidenti TikTok-un qadağan olunmasını istəmədiyini, lakin qadağanın aradan qaldırılması üçün tətbiqin ən azı 50%-nin ABŞ şirkətinə satılmalı olduğunu bildirib.

 

TRT HABER
Billurə Quliyeva