Putin Tramp-Bayden debatını yüksək qiymətləndirib

Bölmə: Siyasət › ,
Tarix: 18:55 04.07.2024

Rusiya prezidenti Vladimir Putin ABŞ-ın hazırkı və keçmiş prezidentləri Co Bayden və Donald Trampın debatını gördüyünü bildirib. Bu barədə TASS məlumat yayıb .

 

“Bəzi fraqmentlər gördüm, amma kifayət qədər işim var. Ona görə də mən orada baş verənləri, xüsusən də hər zaman müəyyən üstünlüklərin olduğu mediada yazılanları izləmirəm: kimsə lehinədir, kimsə əleyhinədir”, - prezident təəssüratlarını bölüşüb.

 

Putin ABŞ prezident seçkilərinin “ölkənin sırf daxili məsələsi” olduğunu vurğulayıb, lakin onların nəticələrinin ona “laqeyd qalmadığını” qeyd edib. O əlavə edib ki, Amerika seçki kampaniyasından “uzaq qalmaq mümkün deyil”, çünki “ABŞ müxtəlif sahələrdə imkanlara malik böyük güc olaraq qalır”.

 

Daha əvvəl Vladimir Putin bildirib ki, Rusiya Trampın Ukraynadakı münaqişəyə son qoyulması ilə bağlı sözlərini ciddi qəbul edir və onun sözlərinin səmimiliyinə inanır. O qeyd edib ki, “ Moskva onun mövqeyini dəstəkləyir”.