Alvaro Morata Milanda kimdir?

Bölmə: İdman › ,
Tarix: 18:44 19.07.2024

İtaliyanın Birinci Futbol Liqası (A Seriyası) komandalarından biri olan "Milan" ispaniyalı futbolçu Alvaro Moratanı heyətinə qatıb.

 

"Qırmızı-qaralar"ın açıqlamasında İspaniya təmsilçisi "Atletico Madrid"dən transfer olunan 31 yaşlı mərkəz hücumçusu ilə 2027-2028-ci il mövsümünün sonuna qədər müqavilə imzalandığı bildirilib.

 

Peşəkar karyerasına "Real Madrid"də başlayan Alvaro Morata müvafiq olaraq "Juventus", "Chelsea" və "Atletico Madrid"də çıxış edib. Morata bir çox milli və beynəlxalq uğurlara imza atdığı klub karyerasında bütün yarışlarda 506 matçda 172 qol vurub.

 

2024-cü il Avropa Çempionatında kuboku muzeyinə aparan İspaniyanın kapitanı olan Alvaro Morata millidə çıxış etdiyi 80 yarışda 36 dəfə fərqlənib.

 

TRT Haber

Zəhra Həsənova