17 iyundan bəri humanitar yardıma çatmağa çalışan 580 fələstinli həlak olub-BMT

Bölmə: Dünya › ,
Tarix: 21:58 30.06.2025

Birləşmiş Millətlər Təşkilatı (BMT) iyunun 17-dən bəri İsrail və ABŞ-nin rəhbərlik etdiyi Qəzzaya Humanitar Yardım Fonduna və ya yardım konvoylarına çatmağa çalışan ən azı 580 fələstinlinin həlak olduğunu bildirib.

 

Qəzzadakı hadisələr BMT Təhlükəsizlik Şurasında (BMT TŞ) müzakirə edilib.

 

BMT baş katibinin Yaxın Şərq, Asiya və Sakit Okean üzrə müavini Xalid Xiari burada üzv dövlətləri məlumatlandıraraq bildirib ki, İsrail 80 gündür ki, Qəzzaya heç bir humanitar və kommersiya yardımının daxil olmasına icazə vermir. Xiari son günlərdə bölgəyə məhdud yardımların çatmağa başladığını, lakin bu yardımın Qəzza xalqının ciddi humanitar ehtiyaclarını qarşılamaqdan uzaq olduğunu vurğulayıb.

 

Xiari İsraili beynəlxalq hüquq çərçivəsində öhdəliklərini yerinə yetirməyə və ehtiyacı olan mülki şəxslər üçün humanitar yardımın sürətli və maneəsiz keçməsinə icazə verməyə çağırıb.

 

İyunun 17-dən bu yana ən azı 580 fələstinlinin İsrailin ABŞ rəhbərliyindəki Qəzzaya Humanitar Yardım Fonduna və ya yardım konvoylarına çatmağa çalışarkən öldürüldüyünü açıqlayan Khiari, "Qəzzada yardım almağa çalışan fələstinlilərin ölməsini və yaralanmasını şiddətlə qınayırıq. Dərhal və müstəqil araşdırma aparılmalı və bu hadisələrə görə məsuliyyət daşıyanlar cavablandırılmalıdır",-dedi.

Khiari, BMT-nin "insanlıq, qərəzsizlik, müstəqillik və ayrı-seçkilik etməmək kimi əsas humanitar prinsiplərə uyğun gəlməyən hər hansı yardımın paylanması metodunda" iştirak etməyəcəyini təkrarladı.

 

Mənbə: TRT Haber

Xədicə Məhərrəmli