Kənan Yıldızın çılğın derbidə 8 qolla izi!

Bölmə: İdman › ,
Tarix: 09:15 28.10.2024

İtaliya A Seriyasının 9-cu həftəsində Kənan Yıldızın 2 qol vuraraq ulduza çevrildiyi dueldə "İnter" və "Yuventus" 4-4 bərabərə qalıb.

 

İtaliya A Seriyasının 9-cu həftəsində qol duelinə şahidlik edən "İnter" və "Yuventus" qarşılaşmasında 4-4 bərabərə qalıb. Cüzeppe Meatza stadionunda keçirilən qarşılaşmada ev sahibi “İnter”in qollarını 15 və 37-ci dəqiqələrdə penaltidən Piotr Zielinski, 35-ci dəqiqədə Henrih Mhitaryan və 53-cü dəqiqədə Denzel Dumfries vurub.

"Yuventus"un qollarını 20-ci dəqiqədə Duşan Vlahoviç, 26-cı dəqiqədə Timoti Vea, 71 və 82-ci dəqiqələrdə millimizin futbolçusu Kənan Yıldız vurub.

 

Derbidə 2 qolla ulduza çevrilən Kənan Yıldız 62-ci dəqiqədə oyuna daxil olub. "İnter"də zədələnən Hakan Çalhanoğlu matçın heyətində yer almayıb. Bu heç-heçə ilə "İnter" 18 xalla 2-ci pillədə qərarlaşıb. “Yuventus” isə 17 xalla üçüncü pillədə qərarlaşıb.

 

"İnter" A Seriyasının 10-cu həftəsində "Empoli"nin qonağı olacaq. "Yuventus" öz meydanında "Parma"nı qəbul edəcək.

 

Mənbə: Hürriyət

Fatimə Abdulrəhimli